DILI, (Timorpost.com)— Peskizadór Asia Justice and Rights (AJAR), Inocencio de Jesus Xavier, hatan ba kazu Timoroan oho malu iha Portugal husu Estadu Portugal atu deporta Timoroan sira ne’ebe komete krime no hatudu imajen la di’ak iha Fatima-Portugal.
“Atetude Timoroan iha Portugal ne’e imajen la diak, tanba ne’e haruka sira fila mai Timor”.Haktuir Peskizadór AJAR, Inocencio de Jesus Xavier ba jornalista sira iha Faról, Tersa (04/06).
Nia dehan, ba ema nia rai tanba hakarak hadia moris, devia hadomi malu hanesan Timoroan buka moris, ba buka asaltu maluk lori organizasaun ba ema nia rain hodi hafoer imajen Timor nian.
“Hanesan Timoroan lamenta hahalok ne’e kontinua la’o lemo-lemo iha ita nia rai, devia sira komporta sira nia an, buka atu hadia sira nia moris, agora sira ba atake malu hanesan ne’e saida mak atu hetan husi ne’e, lori buat la di’ak ba ita nia rain ne’ebé autoridade polisiál iha Portugál di’ak liu halo deportasaun ema sira ne’e mai Timor ka kastigu joven sira ne’e,”. Nia lamenta.
Nia haktuir, organizasaun hotu-hotu la hanorin nia ema sira atu aslatu malu, ema sira ne’ebé utiliza organizasaun ne’e mak laiha responsabilidade no la hatene útiliza organizasaun ne’e rasik.
“Devia iha Portugál ne’e kuda espiritu ida ne’e ba malu, atu organizasaun arte marsiais A ka B ita Timoroan tanba moris ne’e mak servisu iha Portugál ne’e, mai atake malu di’ak iha Timor de’it. Tanbasá mak ita tenke atake malu, oho malu iha ema nia rain ne’e hatudu ita ninia hahalok ne’ebé la di’ak ba ema seluk no mós taka dalan ba joven sira ne’ebé hakarak sai ba servisu ema nia rain tanba de’it sira nia hahalok,”. Hakotu.
753 total views, 9 views today
Bele hare Video Seluk :