DILI (Timorpost.com)—Prezidente Repúblika ( PR), Jose Ramos Horta ho nia delegasaun viajem traballhu, hodi partisipa Forum Internasionál Shangri-La Diálogu Azia Pasífiku kona-ba rejionál seguransa mundiá ba dala-21, tinan 2024, ne’ebe hala’o iha sidade Singapura, no ohin Domingu (02/06/24) fila ona mai Timor-Leste.
Xefe estadu ho delegasaun too iha Timor-Leste, iha tuku 06:51 dadersa ho aviaun Aero Dili.
“Ha’u ba Singapura partisipa forum inaternasionál Shangri-La diálogu ázia pasífiku kona-ba rejionál seguransa mundiál, Xefe Estadu ne’ebé partisipa na’in rua, ida ha’u rasik ho Prezidente Filipina, forum ne’e baibain Ministru Defeza nian husi ázia tomak no mós husi balun husi Eropa, halo enkontru lubuk ida ho Prezidente Filipina, Prezidente Singapura, Primeiru Ministru foun Singapura, iha ministru lubuk ida ne’eba Ministru Defeza Olanda nian rai sira seluk, ” Haktuir PR Horta ba Jornalista sira liuhusi Konferensia imprensa iha Aeroportu Nicolau Lobato, Domingu (02/06).
Xefe estadu mos explika, enkontru mós ho Primeiru Ministru foun Singapura ko’alia kona-ba relasaun bilaterál Timor-Leste nian ba prosesu adezaun ba ASEAN Timor Leste preparadu ka la’e.
“Klaru ha’u fó informasaun ne’ebé ha’u hatene, klaru Timor Leste sempre preparadu prosesu la’o daudaun, maibé governu iha tempu badak sei komunika liu husi karta, se Timor Leste preparadu duni, hakarak duni tama iha 2025,” dehan nian.
753 total views, 3 views today
Bele hare Video Seluk :
Subscribe to Timorpost
