DILI (Timorpost.com)—Sekretáriu Estadu Formasaun Profisional no Empregu (SEFOPE), liu hosi Diresaun Nasional Empregu Exterior (DNEE), despeda tan traballador Timoroan 82 ba servisu iha Australia.
Diretor Jeral Diresaun Nasional Empregu Exterior, Carlito Rozario Cabral hatete ohin Governu liu husi SEFOPE halo seremonia despedida ba traballador timoroan 82 kompostu husi mane 70 feto 12 ba servisu iha Australia.
“Ohin ita halo despedida ba ita nia trabalador sira ne’ebé ba servisu iha Austrália hamutuk nain 82 tanba ne’e mak tenke halo despedida ho sira tanba sira reprezentan ita nia nasaun Timor-Leste bá serbisu iha ema nia Rai.” Haktuir Carlito ba Jornalista sira iha Suai Room, Timor Plaza, Segunda (13/05/2024).
Diretor ne’e haktuir, iha kompañia balun presiza feto no nia kriteria tenke hatene lori kareta no iha karta kondusaun ne’ebe sei ativu.
“Tanba iha ne’ebá atu transporta sasán sira nia iha sira nia kompañia no hanesan sira nia to’os no industria presiza sira nia transporte entaun sira fó kriteria mai ita mak feto tenke hatene lori karreta.,” Nia informa.
Trabalador sira ba iha ne’ebá signifika autorizasun lisensa husi kompañia atu servisu liuliu kona-ba kaer karreta ou kaer traktor iha toos laran.
“Ita la limita tanba ne’e direitu ida-idak nian desizaun laos ita mak deside empregador ka patraun sira mak sei deside no atu bolu fila-fali trabalador sira ne’ebé hatudu servisu di’ak, iha trabalador sira ne’ebé trientre signifika sira nia atitude servisu hamutuk ho sira nia patraun di’ak tebes ho ida ne’e kompañia konsidera bolu fila-fali sira ba,”. Nia dehan.
Maibé husu ba trabalador sira prepara sira nia an iha tempu sira iha osan ruma ne’ebé bele halo negosiu iha ita nia rai.
Iha fatin hanesan, trabalador Epifania Luiza da Costa husi Munisípiu Baucau hatete, “Agora ha’u servisu iha kompañia Gimerling Kombadise agora ha’u ba servisu iha Austrália dala neen ona ha’u sente kontete tebes.,
Oportunidade ne’ebé mak diak tebes no “Ha’u agradese tanba ida ne’e mak ha’u hakarak hato’o ba ha’u nia maluk Timoroan sira no kolega sira agora mak tuir hela sekarik imi bele prepara imi nia an labele lakon esperansa.”
“Tanba ida ne’e, agora estadu kria programa di’ak tebes ba ita joven sira atu ita tuir hodi bele ba servisu iha ne’ebá no hodi mai ajuda ita nia família no mós ba ita nia nasaun Timor-Leste.”Ha’u agora dadauk ha’u iha binis ida tanba servisu iha area restaurante agora ha’u iha planu loke ha’u nia retaurante hanesan mini-kafétaria ida agora prosesu hela fiar katak iha tinan oin mai bele realiza mehi ne’e.” Hakotu.
981 total views, 3 views today
Bele hare Video Seluk :