DILI (timorpost.com)—Governu liu husi II Vise Primeiru Ministru no Ministru Koordenadór dos Asuntu Sosiais (MKDAS), Ministru Dezenvolvimentu Rural e Habitasaun Komunitariu (MDRHK), Mariano Asanami Sabino, hala’o enkontru ho Banku Dezenvolvimentu Aziátiku (ADB, sigla inglés), oinsá atu kombate problema nutrisaun króniku.
“Ohin ita enkontru ho Banku Dezenvolvimentu Aziátiku (ADB) ba dala rua atu haree detail kona-ba asaun entre ADB ho mós ajénsia sira hanesan UN, UNICEF no Word Food Program ne’ebé foka ba issue sentrál ligadu ba mal-nutrisaun afeta ba labarik no inan isin rua no mós problema nutrisaun króniku ne’ebé ke ita nia nasaun hasoru”, nia dehan ba Jornalista sira iha Palasiu Governu, Segunda (28/08).
Dadus ne’ebé ke iha porsentu 47 labarik ki’ik ho idade minoridade afeta problema nutrisaun króniku.
“Agora daudauk ita hamutuk hodi buka solusaun oinsá mak atu hadia problema nutrisaun krónika iha rai laran”. Nia haktuir.
ADB oras ne’e investe hela bee moos iha Dili laran iha munisípiu Manufahi, Lautem, Vikeke iha munisípiu sira ne’e ami investe iha sidade de’it seidauk to’o iha area rurais sira.
“Servisu ne’e integradu hotu-hotu hola parte atu kombate problema nutrisaun kronika, Edukasaun esforsu halo ninia servisu merenda eskolár ho sira seluk, hosi sosiál halo bolsa da mãe no sira seluk ne’ebé ke kontinua”, nia tenik.
Atu kombate problema nutrisaun krónika presiza kolaborasaun no servisu hamutuk la bele halo ida idak nian, maibé tenke organiza malu, koordena malu kada instituisaun, NGO nasionál, Internasionál, kada ministerial, tenke halo asaun hamutuk atu haree ida ne’e.
Husu mós ba Konsellu Nasionál Seguransa no Soberania Alimentár no Nutrisaun (KONSANTIL), ne’ebé mak uluk iha Ministériu Agrikultura no agora halo koordenasaun nafatin oinsá ida ne’e bele la’o ho di’ak.
“Ho ida ne’e vale hotu ba munisípiu tomak, tanba ne’e husu ba Prezidente Municipals sira ou administradór munisípiu sira no mós Prezidente KONSANTIL iha nivel munisipál tenke halo koordenasaun di’ak hodi bele hetan solusaun hodi kombate problema nutrisaun krónika ne’ebé mak agora daudauk ho nia porsentu boot iha rai laran.
1,125 total views, 3 views today
Bele hare Video Seluk :
Subscribe to Timorpost
