DILI, (timorpost.com)— Veteranu 24 anos Domingos Mau-gunda dos Santos, rekoñese katak daudauk ne’e funsionáriu públiku barak mak involve mós arte marsiál no arte rituál, nune’e, loloos ne’e funsionáriu públiku sira mós renke jura ba bandeira Repúblika Demokrátika Timor-Leste (RDTL).
Tuir nia, funsionáriu públiku barak mak involve iha arte marsiál no arte rituál nune’e ladún iha sentidu nasionalízmu no patriotízmu hodi serví povu no nasaun.
“Horseik ita-nia forsa armada ita-nia membru PNTL sira halo juramentu ba RDTL, maibé ha’u haree ita-nia ajente Estadu, funsionáriu públiku barak envolve iha arte marsiál, arte rituál, sira ladún ezekuta servisu ho di’ak tanba sira-nia nasionalízmu menus, ita husu sira ne’e mós tenke jura ba RDTL para atu serví povu nasaun ne’e ho fuan no laran”, Veteranu Domingos “Mau-Gunda” dos Santos, informa ba Timor Post iha nia rezidénsia, suku Madohi, Sesta, (08/12/2023) relasiona ho juramentu ba membru F-FDTL no PNTL iha loron 7 fulan-Dezembru tinan ne’e.
Nia hatutan “Ha’u haree Estadu ka Governu gasta osan barak selu juis no juiza sira-nia desizaun balu sira tenke haree liu ba osan, materiál tanba sira-nia sentidu nasionalízmu no patriotízmu ne’e menus, entaun povu ki’ik sira laiha kbi’it finanséiru tenke lakon sira-nia diréitu atu hetan atendementu justu”.
Tanba ne’e, ajente judisiáriu sira ne’e presiza mós halo juramentu rigurózu ba sira atu nune’e tesi-lia ho loloos, la haree ba ema-nia klase ekonomia, maibé tuir de’it lei para ema ne’ebé sala tenke hatán ba nia sala, ida ne’ebé loos tenke hetan diréitu justisa ho loloos.
“Instituisaun ne’ebé ha’u temi ne’e sira atendementu públiku, ne’ebé sira-nia atende sala tanba iha interese maka sei afeita ba dignidade Estadu no nasuan ida-ne’e, ne’ebé sira ne’e mós tenke juramentu hotu para atu halo servisu ne’e ho loloos”,nia esplika.
Funsionáriu iha instituisaun estadu sira hanesan alfándega, servisu migrasaun, profesionál saúde, seguransa sivíl, diresaun sira iha ministériu, membru Polísia Sientífiku Investigasaun Kriminál (PSIK), servisu informasaun sekreta sira mós tenke jura atu nune’e serví povu no estadu ida-ne’e ho loloos.(*)
996 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Funsionáriu Públiku Mós Loloos Tenke Juramentu ba RDTL](https://timorpost.com/wp-content/uploads/2023/12/1604382_1033057823486533_1559829927161377424_n.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)