ADVERTISEMENT

Redús Funsionáriu Públiku, Kria Kampu Traballu

Mario da Costa - Jeral · Polítika
Jornalista : Cesario Sousa
Editor : Jose Caet
  • Share
Prezidente Repúblika, José Ramos Horta. Imajen Espesiál

DILI (timorpost.com)—Instituisaun Estadu hothotu iha Timor-Leste ninia Funsionáriu Públiku (FP) númeru boot ona, besik rihun 60 tenke hatún ba rihun 30. Nune’e sira buka fali servisu seluk ou ba rai li’ur mós di’ak.

“Ema Funsionáriu Públiku besik rihun 60 tenke hatún ba rihun 30. Ne’e barak ona no boot ona, hasai ema sira ne’e ba ne’ebé, haree kampu traballu seluk ba li’ur mós di’ak. Ha’u apoiu Timoroan sira ba li’ur ne’e,” Prezidente Repúblika (PR), José Ramos Horta, informa iha Malikeu, Hera, Kinta (08/06).

ADVERTISEMENT
SCROLL FILA BA NOTISIA


Lee Mós :
“Revolusaun Demokrasia iha Timor”, Lu-Olo: Eleisaun La'ós Atu Hetan Lejitimidade

Xefe Estadu ne’e konta, uluk assume kargu nu’udar Ministru Negósiu Estranjeiru no Kooperasaun (MNEK), iha tinan 2003 hodi hala’o kooperasaun bilateral ho Korea do Súl, atu lori Timoroan sira ba servisu iha ne’ebá.

Iha momentu ne’e, hasoru mós Governu no emprezáriu boot sira iha Korea do Súl, hodi haruka tan Timoroan atu ba servisu iha ne’ebá, tanba kooperasaun bilateral uluk kuaze tinan-tolu, hetan ona solusaun inklui nasaun viziñu Austrália.

Lee Mós :
Ofisiais Superiores F-FDTL Na'in-3 Promove ba Postu Majór Jenerál

“Agora, ha’u atu ba Alemaña, in-felizmente Governu seidauk iha, se Governu iha membru Governu akompaña ha’u, atu asina kedas akordu iha 26 Juñu, akordu saida, atu simu traballadór rihun ida hosi Timorense, la’ós simu dala-ida de’it, maibé atus-ida ba, atus-rua ba”, nia promete.

Nia esplika, programa ne’e di’ak tebes, tanba Timoroan sira ne’ebé servisu iha Alemaña sei uza pasaporte Timor-Leste ninian. Nune’e mós sei la liuhusi ajénsia sira, maibé diretamente entre Governu Timor-Leste ho Governu Alemaña.

Lee Mós :
Traballadór Timoroan Labele Hasees Aan Husi Sistema

Governu Alemaña sei oferese trenamentu ba Timoroan sira, tanba ne’e, servisu iha Timor-Leste laiha bele ba iha nasaun dezenvolvidu, nune’e bele hetan osan, hodi investe iha Timor no mós hetan esperiénsia foun husi setór agrikultura no ortikultura.

Ida ne’e mós hanesan dalan-ida ba Timoroan sira, atu buka esperiénsia no hala’o negósiu iha rai laran, nune’e bele fortifika ekonomia rai laran no bele loke kampu traballu ba Timoroan sira seluk.

 2,973 total views,  6 views today


Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No