DILI (timorpost.com) -Funsionáriu Servisu Kontrolu Jestaun Merkadu Munisípiu Dili (SKJMMD) hadi’a barrajen ne’ebé hetan estragu husi udan boot iha merkadu Taibesi.
“Ami nia funsionáriu servisu kontrolu jestaun merkadu hamutuk ho seguransa jestaun merkadu no kliner sira feto no mane hamutuk ho negosiante sira hodi hadi’a barrajen ne’ebé hetan estragu iha tinan kotuk,” informa xefe departamentu servisu jestaun merkadu munisípiu Dili, Gaspar da Silva ba, Timor Post iha merkadu Taibesi, Sesta (26/05).
Xefe departamentu ne’e esplika, hadi’a tiha barrajen iha merkadu laran orienta mós negosiante no membru sira limpeza jerál hodi hamoos fo’er iha baleta kuak no areadores merkadu nian hodi nune’e labele lori moras ba negosiante no komunidade sira ne’ebé hela iha merkadu refere.
Portantu, atividade limpeza ne’e iha loron Sesta dadeer tuku 08:00-10:00 ho objetivu fó hanoin ba negosiante sira uza plástiku ka água mamuk no modo dodok sira tenke lori ba tau iha lixu fatin atu nune’e ekipa servisu saneamentu munisípiu Dili ra’ut hodi lori ba lixu Tibar.
Nia dehan, merkadu Taibesi ne’e negosiante kada loron aumenta volume tanba negosiante husi munisípiu 14 mak konsentra hamutuk iha merkadu Taibesi entaun iha ema balun konxiénsia uza plástiku ka kaixa mamuk tau iha lixu fatin.
Xefe departamentu ne’e preokupa, iha ema balun uza plástiku no água mamuk soe arbiru iha merkadu laran entaun kontribui lixu aumenta ba beibeik halo merkadu ne’e dezorganizadu iha ema hotu nia matan.
Tanba ne’e mak limpeza iha loron sesta ho objetivu hodi minimiza fo’er iha merkadu laran, atu nune’e bele atrai turista husi rai li’ur bele hakbesik mai iha merkadu refere hodi kompra produtu lokál ne’ebé lori husi munisípiu 14.
Tuir nia, Dili ne’e matak no furak iha ema hotu nia matan presiza ema hotu nia kontribuisaun liuhusi soe fo’er tuir oras ne’ebé governu katak, oras soe fo’er iha 6:00-700 oras Timor-Leste atu nune’e pesoál saneamentu sira bele kontrolu ra’ut tau iha karreta lori ba lixu Tibar.
Maibé realidade hatudu komunidade nunka halo tuir regra ne’ebé fó sai ona entaun komunidade produs lixu kada oras maibé, fo’er arbiru iha dalan públiku iha tempu udan boot bee lori ba baleta kuak sai la di’ak kontribui ba inundasaun.
1,828 total views, 3 views today
Bele hare Video Seluk :
Subscribe to Timorpost
