ADVERTISEMENT

Estadu Sei Halo Votu Pezar ba Jornalista Jill Jollife

Mario da Costa - Jeral
Jornalista : Mariano Abi
Editor : Mário da Costa
  • Share
Lider Karizmátiku, Kay Rala Xanana Gusmão, kaer hela Saudoza Jornalista Jill Jollife nia liman, Imajen Esp.

DILI (timorpost.com) — Atu rekoñese kontribuisaun Saudoza Jornalista Jill Jollife, nian ba Timor-Leste nia luta ba Ukun rasik an, Estadu sei halo votu pezar iha kada instituisaun hotu-hotu.

Jornalista Australiana, Jill Jollife, ne’ebé halo gravasaun audio iha loron Proklamasaun Independénsia Unilaterál Repúblika Demokrátika Timor-Leste (RDTL) nian, ne’ebé FRETILIN proklama iha 28 Novembru 1975, no halo mós gravasaun audio ba investidura Prezidente Repúblika iha loron 29 Novembru no pose ba Governu dahuluk RDTL nian iha, iha loron 30 Novembru 1975, iis kotu ona iha Australia hafoin sofre moras durante tinan barak nia laran.

ADVERTISEMENT
SCROLL FILA BA NOTISIA


Lee Mós :
KI-ABCID Distribui Sertifikadu ba Jornalista Na’in-24

Ho ida ne’e Estadu Timor-Leste liuhusi Prezidente Repúblika (PR), José Ramos Horta, deklara ba públiku kona-ba Jornalista Jill Jollife nia peregrinasaun, Instituisaun iha Timor-Leste sei halo votu pezar.

“Jill Jollife ha’u koñese di’ak loos, Primeira-vez nia mai iha Timor iha tinan 1974, iha tinan ne’e nia mai ho grupu ida, nia uluk la’ós Jornalista, maibé nia uluk halo karpin sendikatu traballadór sira, nune’e nia mai ho delegasaun sindikatu,” Xefe Estadu dehan bainhira partisipa iha serimónia “National Day of the Kingdom of Thailand and the 20th Anniversary of Diplomatic Relations between the Kingdom of Thailand and Timor-Leste” (Guest of Honour), iha Otél Novu Turizmu, Sábadu (03/12).

Lee Mós :
AIFAESA Destrui Produtu liu Prazu no Aprendidu

Xefe Estadu haktuir, iha tinan sira-nia laran ne’e depois serbisu nu’udar Jornalista ho Roytas, Jornál oi-oin, nune’e mak nia bá hela iha Portugál durante tinan lubuk ida kuaze 20 resin.

“Husi ne’e, ha’u sempre akompaña nia serbisu no sempre ko’alia ho nia, ha’u vizita nia iha palkun tinan ruma liubá, kuandu nia tama tiha ona fatin ferik katuas sira-nia dezenpora iha ospitál,” PR Horta dehan.

Lee Mós :
KI no PNUD Lansa Matadalan Reportajen Eleitorál ba Jornalista

Xefe Estadu aumenta, Jill Jollife ema ida ne’ebé dedikadu teb-tebes, nia iis atu kotu ne’e hanesan hatene tiha ona, kleur tiha ona iha fulan sira-nia laran no nia hatene nia katak moras boot.

“Estadu Timor-Leste liuhusi kada instituisaun sira atu halo votu pezar ba iha Jill Jollife, primeiru Parlamentu Nasionál, Sosiedade Sivíl, Jornalista sira halo votu pezar,” PR Horta hakotu.

 2,591 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estadu Sei Halo Votu Pezar ba Jornalista Jill J…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No