ADVERTISEMENT

Jornalista Tenke Konsistente no Super Team

Timor Post - Jeral
  • Share
Foto hamutuk Partisipante Formasaun ho Formandor Husi Média Surya/Jatimposkota (Imajen:TP)

Reportajen: Hermenegildo da Costa Tilman

Dili (Timor Post)—Jornalista sira ne’ebé mak hala’o servisu iha mundu jornalizmu nian ne’e tenke konsistente ho profisaun no iha servisu labele superman maibé tenke super team nune’e bele produs notísia ne’ebé ho kualidade.

ADVERTISEMENT
SCROLL FILA BA NOTISIA


Media Timor Post durante semana ida hahú formasaun kona-ba Konverjénsia Media Iha Era Dijitál, hodi hakbiit koñesimentu Jornalista no editor sira nian atu bele sai Jornalista no editor ne’ebé profisionál iha era dijitalizasaun.

Workshop ne’e rasik hala’o iha edifísiu Timor Post Bebora, Dili, ho nia durasaun tempu semana ida ho nia tema jerál “Konverjénsia Mídia Iha Era Dijitál & One Man One Team”.

Formadór ne’ebé mak durante ne’e akompaña formasaun ne’e mai husi nasaun viziñu Indonézia-Surabaya, husi média Surya Surabaya, mak hanesan señór Sakwika Rumeksa “Pak Ruru” no Wahjudi hari Widodo alias Dodo.

Iha semana ida nia laran manorin na’in-rua ne’e ko’alia barak kona-ba téknika uza média online no jornál hodi sai di’ak liu iha Timor Post.

“Presiza sai Jornalizmu ne’ebé profisionál labele iha ta’uk atu buka hatene. Konsistente ho profisaun Jornalizmu nian, nafatin servisu tanba ida ne’e mak profisaun, labele sai fali superman ba kolega seluk maibé sai super team”, formadór Sakwika Rumeksa hateten ba formandu sira iha edifísiu Timor Post, Tersa (21/02).

Iha fatin hanesan, formadór Wahjudi hari Widodo, hatete nia parte sente kontente, tanba durante formasaun semana ida nia laran ne’e bele koñese jornalista no editor sira iha media Timor Post liuliu fahe esperiénsia ba malu kona-ba mundu jornalizmu nian.

“Ha’u husu ba jornalista Timor Post labele ta’uk atu buka hatene, tenke kuda dixiplina iha an, labele pessimistic, ita hakarak ita bele, labele ragu nafatin buka hatene, tanba save husi ne’e ami fahe ona ba imi durante semana ida ne’e”, nia hatutan iha ámbitu remata serimónia formasaun.

Entretantu, Diretór ezekutivu Timor Post, Jacob Ximenes, hatete, sai Jornalizmu labele nonook. Tanba komunidade presiza informasaun.

“Timor Post atu moris la’ós depende mai diretór, maibé depende ba staff no funsionáriu Timor Post sira nia kreatividade, dixiplina, onestidade, servisu team, tanba ne’e matéria ne’ebé durante ne’e ita boot sira simu husi manorin na’in-rua ne’e sai hanesan pasu di’ak ida hodi aumenta di’ak liután ita boot sira jornalista no editor online/TV nia koñesimentu di’ak liután iha vida jornalizmu nian liuliu iha Media Timor Post rasik”, nia hateten.

Nune’e mós, partisipante Orlando Oqui, hatete, objetivu husi formasaun ne’e hodi fó introdusaun ba jornalista no editor sira kona-ba lala’ok mundu jornalizmu nian iha era dijitál nian.

Tuir nia, konverjénsia media iha era dijitál ne’e iha buat barak ne’ebé mak presiza aprende maibé importante mak jornalista no editor sira tenke iha kriatividade nune’e bele hadi’a di’ak liután produtu jornalizmu nian.

Entretantu, partisipante sira ne’ebé mak partisipa iha serimónia ne’e kompostu husi Diretór Timor Post, Empregadu Timor Post, Jornalista TV, Jornál, Online no Editor sira.

 1,494 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Jornalista Tenke Konsistente no Super Team” A few seconds ago
Lee Mós :
Aniversáriu Timor Post Ba Dala – XXIII Sai Mídia Ne’ebé Ativu No Kreativu

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No