DILI (timorpost.com) — Prezidente Repúblika (PR), José Ramos Horta, partisipa iha serimónia “National Day of the Kingdom of Thailand and the 20th Anniversary of Diplomatic Relations between the Kingdom of Thailand and Timor-Leste” (Guest of Honour), iha Otél Novu Turizmu.
Iha eventu ne’e, Xefe Estadu, afirma Tailándia partisipa maka’as iha prosesu primeiru seguransa estabilidade iha Timor-Leste, hahú kedas iha Forsa INTERFET iha tinan 1999, Battalaun boot ida mai, depois INTERFET bolu ona UNTAET, nune’e Tailándia mak tau forsa maka’as liu ho Jenerál Komandante Xefe Forsa da Pás.
“Governu Tailándia sempre apoiu buat hotu-hotu ne’ebé Timor-Leste presiza iha tinan sira-nia laran, primeiru sira loke kedas sira-nia Embaixada iha ne’e to’o agora programa lubuk ida Governu tau importánsia ba família real, hodi halo Xefe Aldeia, Xefe Suku ba to’o Tailándia aprende Agrikultura, Artejenatu nian no estudante sira pelu menus dala 100 mak ba,” Xefe Estadu dehan, hafoin seremónia ne’e, Sábadu (03/12).
Nia aumenta, iha tinan 2009 ate Universidade 4 selesionadu no prinseja mai iha ne’e dala-rua ka dala-tolu ona, halo programa iha area Saúde munisípiu Ermera no Hospitál Nasionál Guido-Valadares.
“Sira sempre uluk kedas, mezmu ita Timor sei preparadu sira apoiu Timor hodi tama ba ASEAN. Ne’e duni iha tinan 20 nia laran relasaun ho Tailándia ne’e di’ak teb-tebes no Tailándia sei aumenta tan apoiu sira iha tinan mai ne’e,” PR Horta relata.
Xefe Estadu subliña, ne’e sei haree ba oin ho nia (Horta) vizita ruma ba Tailándia, maibé sei haree tanba iha reuniaun iha Tailándia atu akontese iha fulan ruma mai ne’e.
“Parese buat ruma tan Tailándia atu bele halo, liuliu ha’u hanoin iha setór rua Agrikultura ho Turizmu ne’e sira bele hanoin ita, iha Ázia númeru 1 ba matenek Turizmu mak Tailándia,” Xefe Estadu akresenta.
1,719 total views, 3 views today
