Dili (timorpost.com) — Ema rihun ba rihun mak mate tanba rai-nakdoko ho magnitude 7.9 ne’ebé ataka Turkia no Síria iha Segunda (06/02). Governu Turkia deklara ona estadu emerjénsia supremu no husu asisténsia internasionál.
Ohin Kuarta-feira (08/02), iha informasaun kona-ba nasaun balun ne’ebé fó ona apoiu ba Síria no Turkia:
Estadus Unidus Amérika
Prezidente EUA Joe Biden hateten “Ha’u pesoál sente triste tebes ho fenómenu akontesimentu ne’e” no promete ajuda husi ninia nasaun hafoin rai-nakdoko ho magnitude 7.9 iha Turkia no Síria iha segunda dadeer (6/2), ne’ebé halakon ona ema rihun nia vida.
“Ha’u sente triste tebes ba akontesimentu ne’ebé akontese ba povu Turkia-Síria. Halo ema barak lakon vida no hamosu estragu barak husi impaktu rai-nakdoko ida ne’e. Ha’u dirije ona ha’u-nia ekipa atu kontinua monitoriza situasaun ne’e iha koordenasaun ho Turkia no fornese kualkér asisténsia saida de’it ne’ebé presiza husi nasaun rua ne’e,” dehan Joe Biden iha Twitter.
Asesór Seguransa Nasionál ba Gedung Putih, Bian Jake Sullivan, hatete nia iha ona kontaktu ho ofisiál Turkia sira no hatete Estadus Unidus prontu atu ajuda.
“Ita prontu atu fó asisténsia naran de’it ne’ebé presiza. Ami sei kontinua monitoriza situasaun ne’e iha koordenasaun ho Turkia,” nia hateten.
Nato
Sekretáriu-Jerál NATO nian Jens Stoltenberg, mós hato’o ninia solidariedade tomak ba aliadu Turkia no hatete nia iha relasaun ho Prezidente Turkia Recep Tayyip Erdogan.
Stoltenberg, hatete aliansa sira mobiliza apoiu. Ekipa médiku emerjénsia hamutuk ho ekipamentu no unidade SAR sira prepara hela. NATO mós harii ona “Ospitál ida-ne’ebé ho ekipamentu di’ak no rezistente ba tempu.” Apoiu ne’e organiza no jere husi sentru koordenasaun resposta dezastre husi NATO.
Alemaña Prontu Ajuda
Cancelariu Alemaña Olaf Scholz, hato’o nia preokupasaun kona-ba rai-nakdoko ne’ebé estraga tebes no dehan: “Ami triste ba vítima sira no preokupa kona-ba sira ne’ebé seidauk identifika, klaru katak Alemaña sei haruka ajuda”.
Ministra Negósiu Estranjeiru Annalena Baerbock, hatete, “Ha’u-nia hanoin mak família husi vítima sira husi rai-nakdoko ne’ebé aat ne’e, halo ita triste tebes” no hateten, “Hamutuk ho ami-nia parseiru sira, ami haruka kedas ajuda ne’ebé la’o daudaun ona”.
Russia: Prepara Aviaun rua ba Misaun Rescue
Prezidente Rúsia Vladimir Putin, oferese asisténsia ba Síria no Turkia iha Segunda, loron 6 fulan-Fevereiru tinan 2023, hafoin rai-nakdoko ne’ebé maka’as ho magnitude 7.9 ne’ebé halo estraga nasaun viziñu rua ne’e.
“Ha’u-hato’o ha’u-nia sentidu kondolénsias ne’ebé kle’an ba akontesimentu ne’ebé akontese iha Turkia-Síria halakon ona ema barak nia vida no halo destruisaun barak” Putin hatete ba Erdogan, “Iha relasaun ne’e ami prontu atu fó asisténsia ne’ebé presiza”.
Uniaun Europeia
Uniaun Europeia hatete lakleur tan sei haruka ekipa buka-hatene no salva husi Bulgaria, Kroásia, Repúblika Ceko, Fransa, Olanda, Polónia no Romana ba Turkia hodi ajuda. Iha deklarasaun ida, bloku ne’e mós dehan sei orienta ninia sistema satélite hodi apoia esforsu Turkia nian hodi halo mapa ba rai-nakdoko ne’e no ninia akontesimentu.
Ukránia: Prontu Fó Asisténsia
Prezidente Ukrainian Volodymyr Zelensky, hatete ninia nasaun prontu fornese asisténsia ne’ebé presiza ba Turkia.
“Ha’u hakfodak ho notísia kona-ba ema atus ba atus ne’ebé mate no hetan kanek tanba rai-nakdoko ne’ebé akontese iha Turkia,” dehan Zelensky iha Twitter.
Nia hatutan, “Ami povu Ukránia hato’o ami-nia sentidu profundu kondolénsias ba família vítima sira no ami hakarak vítima sira atu hetan rekuperasaun lalais. Ukránia ho Turkia ne’ebé amigavel, prontu atu fó asisténsia ne’ebé presiza”.
Israel Prontu Ajuda
Primeiru-Ministru Izraél Benjamin Netanyahu, hatete nia haruka ona autoridade sira prepara ajudu ba Turkia “atu halo preparasaun imediata hodi fornese asisténsia médika, buka-hatene no salva.” Militár Izraél dehan preparadu hela atu haruka delegasaun ajuda ida ba iha Turkia.
Izraél mós hato’o ninia intensaun atu tulun Turkia hodi hasoru konsekuénsia estragu husi rai-nakdoko ne’e.
Ministru Defeza Yoav Gallant, hatete forsa seguransa Israel nian prontu atu fó asisténsia ruma ne’ebé presiza.
Sekretáriu Negósiu Estranjeiru Eli Cohen, hatete preparasaun daudaun ne’e la’o hela.
Fransa: Fransa iha Vitima nia sorin
Prezidente Fransa Emmanuel Macron, hatete nia nasaun prontu atu fó asisténsia emerjénsia ba nasaun rua ne’e.
“Ita simu foto tristeza barak husi Turkia no Síria hafoin rai-nakdoko ida ho forsa ne’ebé seidauk mosu antes ne’e,” hakerek Macron iha ninia Twitter.
“Fransa prontu ona atu fó asisténsia emerjénsia ba populasaun sira iha rai rua ne’e. Ami-nia hanoin mak kona-ba família sira ne’ebé lakon sira-nia moris,” dehan Prezidente Fransa, ne’ebé ninia relasaun ho Prezidente Turkia Recep Tayyip Erdogan ne’ebe amizavel tebes.
India:
Agora haruka ekipa médiku sira, ekipa SAR no materiál sira ba Turkia no Síria hodi fó tulun.
India hatete haruka ona ekipa médiku sira, ekipa emerjénsia no salva no materiál sira atu tulun komunidade Turkia.
Primeiru-Ministru India, Narendra Modi, hatete “Triste tebes” tanba haree ema barak mak lakon nia moris iha Turkia no Síria. (*)
2,455 total views, 3 views today
Bele hare Video Seluk :
Subscribe to Timorpost
