DILI (timorpost.com) — Adjunta Casa Sivíl Prezidénsia Repúblika, Henriqueta Maria da Silva, hatete Prezidente Repúblika, José Ramos Horta, iha inisiativa atu halo Dili Internasionál Maratona, ho objetivu atu harii pas, unidade iha rai ida ne’e, no atu promove Timor-Leste ba mundu liuhusi área Desportu no Turizmu.
Nia hateten, Dili Internasionál Maratona, konvidadu sira mai husi li’ur hanesan Indonézia, Keyna, Singapura inkuli Timor-Leste rasik.
“Eventu Dili Internasionál Maratona sai hanesan eventu internasionál ba dahuluk hafoin Timor-Leste hakur liu pandémia Covid-19 no atleta hamutuk 1300 mak sei partisipa iha eventu Dili Internasionál Maratona,” nia hateten liuhusi Konferénsia Imprensa iha Salaun Casa Sivíl, Palásiu Prezidensiál, Bairru-Pité, Sesta (07/10).
Nia subliña, realizasaun ba atividade Dili Internasionál Maratona ne’e, serbisu hamutuk entre Palásiu Prezidensiál ho Governu inklui mós patrosinadór sira husi setór privadu sira no internasionál sira.
Iha parte Governu liuhusi Sekretáriu Estadu Juventude no Desportu (SEJD), Abrão Saldanha, afirma Timor-Leste tama iha krize sanitária Covid-19, impaktu boot liu mak ba atividade Desportu no oras ne’e Dili Internasionál Maratona sai hanesan primeira atividade desportiva ho dimensaun internasionál ne’ebé halo iha Timor-Leste espesiál Dili.
Nia dehan, durante pandémia Covid-19 Timor-Leste halo esforsu hodi ba partisipa atividade desportiva lubuk ida iha li’ur no iha prestasaun di’ak, balun ne’ebé SEJD rejista no intermus iha rai laran Timor-Leste foin primeira-vés realiza fila fali eventu internasionál sira nune’e.
“Governu sei haree posibilidade sira ne’ebé ita iha hodi organiza eventu desportiva sira no oinsá halo barak liután eventu internasionál iha Timor-Leste. Parte Governu prevee orsamentu ba Dili Internasionál Maratona hamutuk 21,600.00 USD,” Sekretáriu Estadu SEJD, Abrão relata.
2,408 total views, 6 views today
Bele hare Video Seluk :
Subscribe to Timorpost
