Timorpost.com | NASIONAL – Arsebispu Arkidioseze Metropolitanu Dili, Dom Virgilio Kardeál do Carmo da Silva hato’o parabéns ba povu Timor-Leste ne’ebé partisipa no kontribui ba iha susesu eleisaun parlamentár (Elpar) 2023 nian.
“Ha’u nia parabéns ba povu. Povu mak ita agradese tanba ita nia eleisaun dala ida tan hodi hatudu ba mundu tanba Timor ne’e mos hatudu oinsá atu hili iha festa demokrasia” deklara Dom Virgílio ba jornalista sira bainhira asiste serimónia tomada de posse ba dosente na’in 10 iha Universidade Katólika Balide, Sesta (26/05).
“Maski ita hotu tuir durante kampaña, liafuan sadik malu, buat hotu ida ne’e maibé to’o rezultadu ema hotu hakmatek”
“Ita fó parabéns ba povu, ambiente paz povu halo nia papél entrega ba ita nia ukun na’in sira, ne’ebe hetan ona kadeira ukun atu tuur iha Parlamentu no mós tuur iha Governu,” realsa ulun boot uma kreda Timor ne’e
Tuir Dom Virgilio nia observasaun, liafuan kmanek, promesa hotu ne’ebé na’i ulun sira halo durante kampaña ne’e ko’alia ba povu. Agora tinan lima povu fó fiar ba na’i ulun sira hodi ukun didi’ak povu nee.
“Agora tinan 21 ita ukun rasik maibé sei iha ema barak ne’ebé halerik, agora konfiansa povu fó ona. Ita hein hodi reza atu nune’e tinan lima nia laran bele iha buat ne’ebé ita seidauk hare” don Virgílio reafirma.
2,019 total views, 3 views today
Bele hare Video Seluk :
Subscribe to Timorpost
