DILI (Timorpost.com)—Ministeriu Komersiu no Industria (MKI), realiza formasaun Téknika Indústria ba Funsionáriu Sira ba preparasaun adere ba Asian 2025.
Vise Ministru Komersiu no Industria (MKI), Augosto Junior Trindade hatete, formasaun Téknika Indústria ba Funsionáriu sira, faz parte ida hanesan preparasaun Timor-Leste nian molok adere ba Asian tinan oin.
“Formasaun Téknika Indústria ne’e foka liu ba indústria intelektuál, ida ne’ebe Ministeriu halo ona esforsu ida, lori ona ba Konsellu Ministru diskute no aprova, agora lori ona ba Parlamentu Nasionál, hodi hein ba ratifika”. Dehan Augosto Junior, ba Jornalista sira iha Plaza, Kinta, (06/06).
Vise Ministru ne’e dehan, formadór na’in rua ne’ebé fahe matéria iha formasaun ne’e mai hosi Jenebra.
“Sira na’in rua nia prezensa oinsa atu tulun parte Ministeriu nian liu hosi kapasitasaun ba funsionáriu MKI nian liga ba Téknika Indústria bainhira TL hola parte iha Organizasaun Mundiál Komersiu (OMK) inklui preparasaun adere ba Asian iha 2025”. Nia dehan.
Nia haktuir, Formadór na’in rua ne’e husu mós atu estabelese urjente intektual property ida no mos office ida, depois ekipa ida atu servisu ba asuntu ida ne’e, liu liu ba kodígu no marka industria Timor-Leste nian.
Entretantu partisipasaun iha formasaun ne’e mai hosi, Kargu Diretór, Xefia, Asesór inklui Funsionáriu MKI.
678 total views, 3 views today
Bele hare Video Seluk :