ADVERTISEMENT

Komunidade Suku Talimoro Husu Governu Foun Hadi’a Estrada

Orlando Oqui - Ekonomia · Ermera
Jornalista : Amelia Soares Babo
Editor : Orlando Oqui
  • Share
Xefe suku Talimoro, Luis dos Santos. Foto TP/Amelia Babo

DILI (timorpost.com) – Xefe suku Talimoro, postu administrativu Gleno, munisípiu Ermera, Luis dos Santos, husu ba Governu foun hadi’a estrada no dada bee moos ba komunidade iha munisípiu Ermera.

Luis dehan, durante tinan barak nia laran populasaun iha postu Atsabe, Letefoho, Ermera Vila, Hatulia A, Hatulia B no postu Railaku, iha munisípiu Ermera halerik ba estrada, tanba kondisaun aat tebes hodi difikulta transporte públiku no privadu sira labele asesu ho di’ak.

ADVERTISEMENT
SCROLL FILA BA NOTISIA


“Tanba ne’e mak ami husu ba governu foun nia mandatu tinan lima ne’e hadi’a netik ami nia estrada iha munisípiu Ermera, atu nune’e bele fasilita transporte públiku no privadu liu ba mai ho di’ak hodi nune’e komunidade sira bele lori sira nia produtu ba fa’an iha merkadu hodi hetan osan atu bele sustenta ba nesesidade família nian,” Luis hateten ba Timor Post, Domingu (28/05).

Lee Mós :
Oscar Lima Louva Governu hala’o Programa Sesta Bázika

Autoridade lokál ne’e dehan, estrada mak dalan alternativa hodi fasilita transporte hotu-hotu liu ba mai ho di’ak hodi tula pasajeiru sira bele asesu ba mai ho di’ak para lori sira nia produtu lokál hanesan modo tahan ba merkadu.

Maibé realidade hatudu, estrada iha munisípiu Ermera husi Dili ba to’o Gleno mak estrada di’ak, enkuantu estrada husi Gleno ba postu administrativu lima ne’e tinan barak ona komunidade sempre halerik ba estrada, eletrisidade no bee moos mak sai problema ba povu.

Tuir nia, iha nia suku Talimoro besik Gleno, maibé estrada dezde tempu Indonézia mai to’o ohin loron komunidade rasik seidauk asesu ba estrada ho di’ak, iha tempu komunidade hela iha mota sorin atu ba merkadu Gleno hodi sosa buat ruma mós la di’ak tanba mota tun.

Lee Mós :
ONG Frontline Organiza Kampaña Redús Mortalidade Inan iha Munisípiu Ermera

Nia konta, iha suku Talimoro komunidade hela iha mota sorin no kuandu udan boot komunidade labele ba merkadu hodi sosa sasán, maski sira presiza urjente, maibé tanba mota tun entaun udan para mak foin ba merkadu Gleno.

“Tanba ne’e mak ami ezije ba governu foun atu halo ponte ida iha mota A3 nian hodi nune’e tempu udan bele fasilita komunidade inklui estudante sira bele asesu ba mai ho di’ak, tanba mota refere tempu udan boot entaun ninia volume mós boot,” nia haktuir.

Aleinde problema estrada, iha mós problema seluk mak hanesan bee moos, tanba komunidade iha aldeia Moris Foun no Bura ho nia xefe família hamutuk 84. Tanba ne’e iha suku refere komunidade sira konsumu bee mota ba nesesidade loron nian.

Lee Mós :
GFW Deteta Movimentu Peska Ilegál iha Tasi Mane

Enkuantu, suku Talimoro ho total populasaun hamutuk 4.300 ho nia xefe família hamutuk 785 kompostu feto no mane.

Enkuantu, administradór postu administrativu Gleno, Alexandre dos Santos, rekomenda ba governu foun presiza tau mós atensaun ba problema infraestrutura liuliu estrada iha munisípiu Ermera ne’ebé ho kondisaun aat iha tempu udan entaun difikulta transporte públiku no privadu labele asesu ho di’ak.

 

 

 3,222 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Suku Talimoro Husu Governu Foun Hadi…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No