ADVERTISEMENT

Imposivel Halo Milagre, Governu Retiru

Mario da Costa - Ekonomia · Jeral
Jornalista : Gilberto dos Santos
Editor : Mario da Costa
  • Share
José Maria dos Reis, imajen Esp.

DILI (timorpost.com) — Vise Primeiru Ministru no Ministru Planu Ordenamentu (MPO), Jose Maria dos Reis, rekoñese Governu labele rezolve dezenvolvimentu dala ida.

“Planu estratéjiku ne’e, governu ida mai labele halo hotu kedas, ne’e lori tinan 30, tinan 3 ka 5, ita labele halo buat hotu-hotu, tanba ne’e mak ita iha planu annual no planu longu prazu”, nia hateten iha sala Ministériu Finansas, Ai-tarak laran, Sesta (17/03).

ADVERTISEMENT
SCROLL FILA BA NOTISIA


Nia dehan, estrada hirak foin daudaun halo lansamentu, para bele kontinua ba oin, tanba ne’e importante, projetu sira ne’ebé seidauk konsege halo ne’e tanba dezenvolvimentu sira ne’e atu la’o lori tinan 30.

“Tinan lima no tinan tolu, atu halo buat hotu-hotu ne’e imposivel, ita labele halo buat hotu-hotu iha tinan ida ka rua tanba sei liuhusi prosesu”, nia informa.

Tanba ne’e mak governu iha planu anuál, planu internal no planu longu prazu, laiha planu ida ne’ebé governu halo hotu planu estratéjiku sira ne’e.

Lee Mós :
Governo aprova criação do Sistema de Autoridade Marítima

Ba projetu sira ne’ebé halo lansamentu ne’e nia prosesu la’o hela, ba aeroportu ne’e atu halo lansamentu iha fulan Abríl, ida ne’e Ministériu Telekomunikasaun ho Ministériu Obra Publika, mak haree.

Ba iha Hospital Nasionál Guido Valadares (HNGV), foin daudaun governu halo ona lansamentu, agora projetu ne’e konstrusaun seidauk la’o kabe ba iha kompañia sira atu hala’o servisu.

Diskute Medida Estratéjiku

Vise Primeiru Ministru no Ministru Planu Ordenamentu (MPO) Jose Maria dos Reis, hatete, realiza retiru ida ne’e hodi diskute planu nasionál ordenamentu territorial.

Nia hatete, etapa ne’e iha ona konsultasaun publika, tanba dokumentu final ne’e no ezije husi planu ordenamentu territóriu. Ida ne’e tanba hatuur mós iha lei baze ordenamentu antes atu aprova planu ne’e, tenke halo konsultasaun Durante fulan ida nia laran.

Lee Mós :
Governu Diversifika Ekonomia, Atu Labele Depende Ba Fundu Mina-Rai

“Iha dia 5 Marsu, ami hasai ona ba iha públiku para bele hetan konsultasaun, tanba ne’e ha’u ko’alia ho Primeiru Ministru, hodi aprezenta ba membru governu”, nia hateten, iha salaun Ministériu Finansas Ai-tarak Laran, Sesta (17/03).

Aprezentasaun ne’e hodi bele konsolida di’ak liu tan, hanoin sira ne’ebé hatuur iha medida estratéjiku sira ne’ebé iha planu nasionál ordenamentu.

“Medida sira ne’e mak atu bele gia ita no lori ita atu halo dezenvolvimentu, liuliu bainhira atu okupa iha espasu territóriu nia laran, ida ne’ebé bele halo no ida ne’ebé mak labele halo”, nia afirma.

Nia dehan, tanba ida ne’e baramentru importante ida ne’ebé iha dezenvolvimentu sósiu ekonómiku iha Timor-Leste.

Aleinde ne’e, ohin aprezenta mós planu dezenvolvimentu estratéjiku ne’ebé harii husi estadu, hotu-hotu hatene katak prosesu dezenvolvimentu la’o ona.

Lee Mós :
KOICA apoia MEJD com mais de seis milhões de dólares americanos

“Ami tama iha dokumentu final, antes atu lori ba iha Konsellu Ministru, atu aprova, ami hanoin hodi aprezenta iha membru governu sira, para bele konsolida di’ak liu tan dokumentu ida ne’e”, nia subliña.

Vise daruak PM ne’e, hatutan iha hanoin balu husi diskusaun ne’e, tanba ordenamentu territóriu ne’e, haree oinsá integrasaun entre ministériu hotu-hotu iha prosesu dezenvolvimentu ne’e, tanba husi planu ne’e rasik fó dalan para ministériu ida-idak bele iha responsabilidade.

Ikus nia dehan, iha soru-mutuk ne’e mós hamosu indikadór balu ne’ebé hato’o husi Ministru Finansas, kona-ba indikadór ne’ebé hatuur iha nivel impaktu, ne’e signifika atu ba too iha objetivu longu prazu ne’ebé hakarak atinje.

 2,091 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Imposivel Halo Milagre, Governu Retiru” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No