DILI(TimorPost)–Diretór Jerál Peska iha Ministériu Agrikultura no Peska (MAP), Acasio Guterres, informa, oras ne’e daudaun movimentasaun Ro peska ilegál iha tasi mane aumenta ba beibeik no MAP labele halo buat ida so bele akompaña de’it liuhosi satélite ka Global Fishing Watching (GFW).
“Ita halo observasaun liuhosi website Global Fishing Watching, ita bele hare iha ne’ebá, movimentasaun ró Ilegál iha tasi timor nian Volume boot, maibé ita la halo buat ida, tanba ita laiha kapasidade ró,” nia dehan ba Timor Post iha nia knar fatin MAP, Komoro, Kinta (16/03).
Nia konta, durante tinan 3, tui-tuir malu ne’e, TL kalkula media lakon nia rekursu ikan ne’ebé ekivalente ba osan rihun 350 USD.
Esforsu ne’ebé durante ne’e ministériu halo maka kapasita de’it peskadór sira oinsá halo vizilansia ba iha sira nia area no ida seluk Ministériu Agrikultura no Peska, uza meius halo monitorizasaun liuhosi satélite.
Daudaun ne’e Ministériu Agrikultura no Peska halo ona preparasaun, Autoridade Marítimu mós estabelese ona ne’ebé lidera hosi Forsa Defeza Timor-Leste, liuliu iha komponente Naval.
Alende ne’e MAP liuhosi diresaun jerál Peska mós nomeia ona ema na’in 10, atu tama iha Autoridade refere. Ema hirak ne’e balun ba tuir ona treinamentu iha Portugál no ajénsia hirak seluk.
“Kuandu ita iha ona kapasidade ró ruma ita upgraded halo asaun ruma no ita la susar ona, tanba ita tama ona iha Autoridade marítimu, nune’e fasil ita foti asaun ruma iha tasi timor,” nia ko’alia.
MAP mós iha esperansa ba futuru Governu Austrália tuir sira nia promesa katak sei apoiu Ro 2 mai Komponente Naval atu bele halo kontrolu iha tasi mane.
Entretantu tuir dadus hosi Ministériu Agrikultura no Peska (MAP), iha tinan 2018, ró peska ilegál hamutuk unidade 107 mak tama tasi Timór hodi na’ok ikan ho tonelada 223 ne’ebé koverte ba osan karik kuaze millaun $1.
Enkuantu, iha tinan 2019, MAP identifika ró unidade 67 mak tama iha tasi timór halo atividade peska ilegál, ne’ebé ikan lakon hamutuk tonelada 100-resin, konverte ba osan hamutuk $800.0.
1,526 total views, 9 views today
Bele hare Video Seluk :
Subscribe to Timorpost
