Dili(timorpost.com)—Reuniaun entre Ministra Negósiu Estranjeiru no Kooperasaun (MNEK), Adaljiza Magno, ho Enviadu Espesiál Ministru Negósiu Estranjeiru Repúblika Korea, Kim Chang-Beom, iha reuniaun ne’e Enviadu ne’e dehan, Timor-Leste ho Korea ne’e amigu di’ak antes tiha ona.
“Ohin ami ko’alia asuntu barak, tanba ami rekoñese katak, Korea no Timor-Leste hanesan amigu ne’ebé mak di’ak tebes iha aspetu barak ne’ebé ami fahe hanesan Asuntu Demokrasia Dezenvolvimentu Ekonomia”, dehan Kim Chang-Beom, ba Jornalista sira iha Salaun MNEK, Kinta (16/03/2023).
Nia dehan, enkontru parte rua ne’e di’ak tebes, tanba sira bele diskute asuntu importante lubuk ida.
Enkontru ne’e hahú iha oras tuku 9 ho balun Otl, Depoizde enkontru, sei kontinua kedas ho palestra públika ho tema “Relasaun entre Korea ho Timor-Leste no Adezaun Timor-Leste ba ASEAN Oportunidade no Mudansa-Sira”.
Enviadu Espesiál Ministru Negósiu Estranjeiru Repúblika Korea, ho ekipa to’o iha Dili loron Kuarta 15/03/2023.
1,926 total views, 3 views today
Bele hare Video Seluk :
Subscribe to Timorpost
