DILI(TimorPost)—Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hatete, Atu sai membru Association of Southeast Asian Nations (ASEAN), Timor Leste (TL), tenke reforsa pillar ekonomia iha rai laran.
“Ida ne’ebé mak presiza ita servisu makaas liu tan maka pillar ekonomia, ne’e ita presiza servisu barak liu tan”, nia dehan ba jornalista sira iha Palacio do Governu, Tersa (14/03).
Nia hatete, iha pillar ekonomia, buat ne’ebé maka Timor Leste presiza halo maka tenke kria kondisaun para ema mai investe barak liu tan, hodi bele diversifika ekonomia iha rai laran.
TL sidauk iha planu direitu hanesan ho nasaun membru sira seluk, maibé Timor Leste hein de’it para prepara kondisaun sira no kumpre rekizitu sira nee hodi bele tama ASEAN.
“Ezemplu hanesan lejizlasaun no akordu lubuk ida maka presiza ratifika tan para bele sai membru ASEAN, tanba daudaun ne’e Timor-Leste nia estatutu sai hanesan observadór,” nia hakotu.
1,272 total views, 3 views today
Bele hare Video Seluk :
Subscribe to Timorpost
