DILI (timorpost.com) — Pagamentu Subsídiu fm do ano 200 USD, iha Suku Madohi, Postu Administrativu Dom Aleixo, Munisípiu Dili, rejista reklamante liu uma-kain 59, maka la simu sira-nia direitu.
Xefe Suku Madohi, Bernardino de Cristo Ferreira, hatete Xefe família Uma-kain sira la simu subsídiu ne’e, tanba naran la aprova iha lista pagamentu.
“Tuir lista ne’ebé ami simu reklamante ba subsídiu 200 USD, ne’e rejista uma-kain 59”, nia hateten ba Timor Post iha kna’ar fatin, Sábadu (13/01).
Nia dehan, reklamante sira ne’e dezde tinan 2021 liubá la simu Sesta Báziku ho osan re-kooperasaun ekonomia 200 USD, nune’e mós iha osan subsídiu fim do ano mós la simu tanba naran la aprovadu iha lista pagamentu.
Bernardino esplika, lista reklamante iha tinan 2021 ba re-kooperasaun ekonomia ho sesta báziku nian autoridade Suku Madohi, halo ona reklamasaun uma-kain 59 lori ba Ministériu Administrasaun Estatál.
Maibé iha pagamentu subsídiu fin do ano 2022, lista hirak ne’e seidauk bele aprova, entaun sira ne’e maka kontinua sai reklamante ba autoridade Suku Madohi hodi lori ba Estatál.
Nia subliña, lista reklamante sira ne’e mai husi aldeia hotu-hotu, aldeia ualu iha Suku Madohi iha hotu, balu iha rua, balu reklamante neen, entaun konta hamutuk maka to’o uma-kain 59, sai reklamante ba subsídiu fin do ano.
2,972 total views, 3 views today
Bele hare Video Seluk :
Subscribe to Timorpost
