DILI (timorpost.com) – Negosiante Samuel Maia Tilman, idade 18, husi Munisípiu Ainaro, Eskola iha Ensinu Sekundáriu Jerál 12 Novembru, fan tomati mak hodi selu nia eskola.
Nia hato’o kestaun ne’e ba Media online Timor Post, ho laran triste, iha Kulu-hun ho laran Triste, Sábadu (24/09).
“Ha’u faan tomati mak hodi selu no sustenta ha’u-nia eskola no sustenta ha’u-nia nesesidade”, dehan nia.
Nia hatutan, tomati sira ne’e, nia hola tutan husi ema seluk hafoin faan fali.
“Tomati ne’ebé ha’u faan ne’e, ha’u hola tutan husi ema seluk, banhira sira lori husi Munisípiu Baukau mai iha Taibesi, depois ha’u hola mak faan fila fali,” nia dehan.
Nia hateten, Tomati ne’e nia hola balde ida ho folin 20 USD, depois mak nia haknauk iha bikan no balde kiik sira hafoin nia tau iha Gerobak hodi haleu Dili laran.
“Ha’u faan tomati ne’e ho folin la hanesan, bikan kiik iha folin 0,50 USD no iha 1 USD no iha mós folin 4 USD,” nia konta.
Negosiante ne’e hatete, nia faan tomati ne’e, dala-ruma folin no dala-ruma la folin, depende sorti de’it, nune’e loron ida fan hetan osan montante 30 USD no dala-ruma menus husi ne’e.
“Ha’u faan tomati ne’e hahú ha’u tama sekundáriu to’o ohin loron, ha’u hakarak eskola maibé ha’u-nia inan-aman hela iha Munisípiu Ainaro laiha osan hodi selu ha’u-nia eskola, tanba ne’e ha’u deside hodi fila liman mak sustenta ha’u-nia eskola no nesidade loron-loron,” nia hateten.
Alende ne’e nia dehan, nia la’ós fan de’it tomati, maibé nia fan mós lis mean, Mutin ho Aimanas.
2,156 total views, 3 views today
Bele hare Video Seluk :
Subscribe to Timorpost
