DILI—Loron Mundiál ba Direitu Konsumidór sira, Tane Konsumidór selebra ho tema “Recilagem e Esperação dos Lixus” transforma numa economia circular em beneçio ao consumo.
Tanba ne’e, TANE bolu atensaun ba konsumidór sira kona-ba impaktu husi soe lixu arbiru ba saúde públika, meiu ambiente no estraga biodiversidade.
Prezidente Asosiasaun Tane Konsumidór, António Ramos da Silva “Naikoli”, hatete, ohin loron mundál konsumidór nian 15 fulan Marsu ne’ebé iha tinan 1962, Prezidente Amerikanu João Afcanede, ne’ebé nia halo diskursu iha kongresu ne’e dehan katak, ema hotu-hotu konsumidór.
Tanba, ne’e iha loron ida ne’e sai hanesan buat hotu-hotu iha mundu tomak adopta sai ba loron mundiál ba konsumidór nian.
“Lixu soe arbiru de’it laiha fasilidade hodi soe lixu, impaktu ba saúde públiku, meiu ambiente no animál iha tasi laran. Iha loron boot ne’e Tane Konsumidór foti tema mak resiklajen no hafahe lixu hodi transforma ba ekonomia sirkulár,” António hateten ba Jornalista sira iha servisu fatin Villa-Verde, Kuarta (15/03).
Tanba ne’e mak, TANE atu sensibliza ba konsumidór sira mak oinsá rekolla lixu, hatoman hafahe lixu no tau lixu iha ninia fatin. Agora molok atu tama ba ida ne’e TANE iha filmajen badak kona-ba atitude konsumidór nu’udar indivíduu.
“Ita hotu-hotu nia kontribuisaun ka populasaun nia kontribuisaun iha filmajen ne’e bele ilustra,” Prezidente António afirma tan.
Prezidente ne’e afirma tan katak, konsumidór sira hatoman soe fo’er no hafahe lixu tuir ida-idak nia fatin, husu mós ba autoridade públiku sira foti polítika publika ne’ebé mak di’ak ba saúde públiku no meiu ambiente liuhusi harii fasilidade hanesan ekopontu iha fatin-fatin tuir ida-idak ninia fatin.
“Husu ba Autoridade Lokál sira atu kria fasilidade iha fatin-fatin, la’ós hanesan ida agora ita uza hela ne’e tau hamutuk iha fatin ida de’it, nune’e mós iha transportasaun lori ba tau iha fatin lixu nian,” nia hatutan.
Nia dehan, ne’e mak TANE foti tema mak Ekonomia Sirkulár ne’e ninia vantajen, kuandu ema hotu-hotu resiklajen di’ak bele transforma ona ba ninia ekonomia no ninia vantajen ba ambiente saúde, bele mós salva biodiversidade.
“TANE foti tema ida ne’e atu konsensializa ba konsumidór sira, tanba bainhira ita soe lixu arbiru mak ninia impaktu hanesan Saúde Públiku, impaktu ba meiu ambiente no mós estraga ba ita nia biodiversidade sira iha tasi laran,” nia dehan.
Tanba ne’e, presiza envolve ema hotu-hotu, tenke envolve mós ekonomia no mós empreza sira, atu oinsá ba resiklajen sira ne’e bele transforma lori benefisiu ba ekonomia, ne’e mak objetivu husi kampaña ne’e.
1,815 total views, 3 views today
Bele hare Video Seluk :
Subscribe to Timorpost
