ADVERTISEMENT

BNCTL Lansa Produtu Depózitu Pensionista Hahú Idade 25

  • Share
Edefisiu BNCTL

DILI (Timor Post)—Banku Nasionál Komérsiu Timor-Leste (BNCTL), foin lalais ne’e lansa tan produtu foun ho naran Depózitu Pensionista.

“Produtu ida ne’e, ami fasilita ba komunidade hotu ne’ebé mak nia idade ne’e alkansa ona, mínimu ne’e 25 ba leten, nia bele loke konta ona, hodi nune’e nia mós bele rai ona osan,” Xefe Divizaun Operasaun BNCTL, Manuel Rangel da Cruz, ba Timor Post, iha knar fatin Mandarin, Tersa (12/10).

ADVERTISEMENT
SCROLL FILA BA NOTISIA


Objetu husi lansa depózitu pensionista ne’e, nia dehan, atu garantia sustentabilidade ba kontinua moris ba reforma nian. Rai osan durante ativu iha servisu depois de reforma too ida 78 ba oan no bei-oan sira.

Lee Mós :
Projetu 45 Ne'ebé Pendente Prosesu Iha Ona Tribunal

Montante depozita ne’e, nia afirma, depende ba kliente sira. Aplika funan 1.5% vale ba balansu depózitu $50.00, no levantamentu konforme ba termu akordu entre kliente no BNCL.

Enkuantu, kona ba rekizitu asesu ba konta depózitu pensionista, nia dehan, hanesan foto kopia billete identidade/kartaun eleitorál/pasaporte mínimu tahan rua, foto koloridu 3×4 tahan ida ka bele hasai direta iha BNCTL.

“Depózitu inisiá $10.00, karik kliente hakarak uza kaderneta $2.00. Termu ba kondisaun depózitu nu’udar konta poupansa individual ba Timoroan hotu ne’ebé ativu ka reforma ona iha idade 55,” nia esplika.

Lee Mós :
Agrikultór Sira Husu Governu Hadi’a Irrigasaun Osso-Sege

Depózitu pensionista ne’e ho moeda depende ba kliente no fleksibilidade ba levantamentu. No daudaun ne’e iha ona kliente na’in haat mak aplika ba produtu foun ne’e.

“Iha mós kréditu ba pensionista sira ho montante másimu $20.000.00, iha períodu kréditu másimu tinan lima. Kréditu ne’e husi idade 55 ba leten ka konsidera hanesan idade reformadu,” nia katak.

Iha porsaun kréditu pensionista másimu 50% husi pensaun mensal ho kustu prosesu kréditu 1% husi montante emprestimu. Jurus kréditu 8% no kustu administrasaun 1%.

Lee Mós :
Nonu Governu Sei La Book Impostu ba Tabaku

Rekizitu ba kréditu pensionista hanesan, foto kopi kartaun eleitorál proponente, kartaun BI, pasaporte, foto koloridu (3×4) tahan ida no bele hasai iha BNCTL, ativu seluk hanesan imovel ka movel (Rai, uma ka karreta) ne’ebé dokumentu komprovativu sei válidu.

No sei laiha mandatoriu prokura seguru kréditu, pensaun velise tenke transfere ba konta bankária pensionista iha BNCTL.(jho)

 837 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “BNCTL Lansa Produtu Depózitu Pensionista Hahú I…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No