DILI, (Timorpost.com)—Delegasaun empreza Shanghai Treasure Carbon husi Xina hasoru Prezidente Repúblika, Jose Ramos Horta no relata hakarak investe projetu Carbon Capture and Storage (CCS) iha Timor-Leste.
Reprezentante Empreza Shanghai Treasure Carbon, Susan ZHU, hatete sira hakarak loke sira nia investimentu kona ba Carbonu iha Timor-Leste.
“Ami hasoru Prezidente Repúblika, informa katak kompañia Shangha hakarak loke investimentu kona ba Karbonu Capture and Storage (CCS) iha Timor-Leste, tanba mudansa klimátika nu’udar knaar importante ida iha ajenda dezenvolvimentu sustentavel,” dehan Susan ZHU ba jornalista sira hafoin remata enkontru ho Prezidente Repúblika iha Palásiu Prezidensiál Bairru-Pite, Segunda (10/06).
Tuir Susan ZHU, liu husi soru-mutu ne’e, aprende kona-ba Timor-Leste nia objetivu estratéjiku sira iha área mudansa klimátika, inklui emisaun ho karbonu ba dezenvolvimentu sustentavel, diversifikasaun ekonómika no kooperasaun internasionál.
“Ami nia kompañia planeia atu investe dolar millaun sanulu iha dezenvolvimentu projetu karbonu iha Timor-Leste iha tinan sanulu oin mai (Inklui doasaun in-kind hanesan ai-riin no prosedimentu projetu ne’ebé sei uza ba dezenvolvimentu sustentavel), apoiu tékniku (provide ba formasaun abilidade pesoál tékniku lokál sira, etc.), no mós aumenta servisu balun ne’ebé relasiona ho ne’e.
Liuhusi kooperasaun ida-ne’ebé di’ak no manán malu, ita sei ativamente promove kooperasaun no troka entre Timor-Leste no komunidade internasionál iha área mudansa klimátika, fahe esperiénsia susesu no prátika di’ak sira, no ajuda Timor-Leste hala’o papél boot liu iha governasaun klimátika globál,” nia afirma.
Dezenvolvimentu indústria green, revolusaun enerjia moos, inovasaun teknolojia green, sai ona tendénsia internasionál, Oinsá atu orienta modelu negósiu inovativu sira no asume responsabilidade protesaun ambientál sosiál sei sai orientasaun ba esforsu sira.
“Ba Timor-Leste, ne’ebé hetan rekursu naturál sira hanesan mina-rai no gás naturál, ita presiza kontinua polísia negósiu green ida-ne’e. Ami sei kontinua hasoru malu ho departamentu relevante sira hodi esplora liután oportunidade kooperasaun ho Timor-Leste iha área mudansa klimátika no implementa asuntu relevante sira kona-ba direitu karbonu Timor-Leste nian. Liu husi sistema jestaun karbonu, Timor-Leste la’ós de’it bele hetan benefísiu ekonómiku no hadi’a povu lokál sira-nia moris-di’ak, maibé mós bele kumpre nia responsabilidade sosiál iha mudansa klimátika globál no estabelese imajen nasaun ida-ne’ebé responsavel ba dezenvolvimentu,” nia akresenta.
Iha fatin hanesan, embaixadór Timor-Leste iha Xina, Loro Horta, hateten, ohin delegasaun Emprezáriu husi Xina mai hasoru ho Prezidente Repúblika ne’e naran kompañia Shanghai Carbon Treasure, hanesan kompañia númeru um iha Xina.
” Ha’u hakarak informa katak, Kompañia ne’e halo investimentu area Carbon Treasure hanesan protesaun ambiente hanesan enerjia renovavel, tanba ita nia Prezidente Repúblika sempre interese barak iha area ambiente, Timor nee problema ambiente no proteje natureza”. Hakotu.
942 total views, 15 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Xina Hakarak Investe Carbon Capture and Storage (CCS) Iha TL](https://timorpost.com/wp-content/uploads/2024/06/sanghai.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)