UNTL Halo Atividade Komemora Loron Mundial Ambiente no Oseanu

DILI, (Timor-post.com)—Estudante Universidade Nasional Timor Loro Sa’e (UNTL) Fakuldade Agrikultura Departamentu Peska no Ciencia Mariña, halo atividade limpeza jerál hodi komemora loron mundial ambiente (06, Juñu) no Oseanu (08 Juñu) tinan 2024.

Atividade limpeza jerál ne’e hahú hosi aredores tasi Largo Lecidere to’o Jardin BJ Habibie.

SCROLL FILA BA NOTISIA

Komisaun Organizadora (KO), Junior Gama Pinto hatete, atividade ne’e hanesan parte ida oinsá atu hadomi ambiente tasi nian.

“Presiza ita nia konsiderasaun umanu liga ba soe lixu atu labele halo ambiente fo’er. Konxiénsia umanu ne’e importante tebes tanba dala barak sei limitadu kada pesoal”. Junior Gama ba Timor post iha Largo Lecidere, Kinta (06/06/2024).

Lee Mós :

Fahe Tempu ho Di’ak Sei Hetan Rezultadu Pozitivu

Estudante UNTL Faculdade Agrikultura Departamento Pescas e Ciencias Marinhas Halo Atividade Limpeza iha aredores tasi largo lecidere ba to’o jardin BJ Habibie hodi komemora loron mundial ambiente no oceano/imajen Angelina zela

Hanesan sidadaun ida iha rai ne’e tenke iha resposabilidade ba iha fo’er sira ne’ebe kontinua naklekar iha aredores tasi nian.

‘’Ko’alia kona-ba ambiente, nasaun barak inklui Timor-Leste enfrenta problema boot ne’ebé ema hotu tau atensaun hanesan lixu, liu-liu lixu plástiku, ami kolabora hamutuk ho dosente,estudante no apoiantes hosi intituisaun sira seluk ba iha atividade raut lixu sira iha aredores tasi nian”.Nia dehan.

Atividade ne’e, la’ós foin mak realiza ba dahuluk, maibé, Departamentu ne’e sempre halo oinsá hamoos lixu sira ne’ebé soe arbiru, lekar iha tasi ibun sira.

Lee Mós :

MEJD Simu Pedidu DN husi Munisípiu Haat

Komisaun ne’e haktuir, programa ne’e ba oin la’ós de’it foka ba fo’er sira iha tasi maibé sei haluan b fatin seluk mos.

Iha fatin hanesan estudante, Pascualito da Silva Marques hatete, iha loron mundial ambiente no oceano nu’udar loron importante ida ba iha estudante Departamentu Peska no Ciencia Mariña bele limpeza ba iha fo’er sira ne’ebe namkari iha aredores tasi tasi nian.

Lee Mós :

ME Sei Aplika "Alto" Ba Profesóres Indisiplinar

“Ita presiza hadomi ambiente tasi, soe lixu tuir nia fatin atu ema seluk haree ita nia natureza tasi ne’e furak”. Nia informa.

Entretantu atividade ne’e organiza hosi Apm Timor Lorosa’e, Sustainable Ocean Alliance Timor-Leste, Lenuk Tasi, Underwater Cinema, Ness Timor-Leste, Coral Triangle Center,Fundacao Oriente, inklui Estudante Universitáriu Nasional Timor Loro Sa’e (UNTL) Fakuldade Agrikultura Departamentu Peska no Ciencia Mariña.

873 total views, 15 views today

Oinsa Ita nia Reaksaun iha Notisia Nee?