ADVERTISEMENT

Fahe Tempu ho Di’ak Sei Hetan Rezultadu Pozitivu

Augusto Sarmento - Arte · Edukasaun · Figura
Jornalista : Amelia Babo
Editor : Isabel Ermelita
  • Share

Feto isin ladún mutin, fuuk been, hatais kalsa saia tais Timor nian no uza faru mutin liman badak, ne’ebé partisipa iha serimónia lansamentu biblioteka no lansa video mundu ba labarik iha Timor-Leste, iha Timor Plaza Suai Room, nia mak Leila Cepeda, atuál Autór Video Mundu Labarik.

Atu hetan susesu iha area ruma, importante mak tenke utiliza tempu ho di’ak, ho nune’e mak bele hatudu rezultadu, maski rezultadu ne’e simples, maibé iha valor ba públiku.

ADVERTISEMENT
SCROLL FILA BA NOTISIA


Dili-oan ne’e ho nia kolega na’in-tolu, sira produs video mundu ba labarik, ne’e iha fulan Jullu no tuir loloos, finaliza iha fulan Setembru iha tinan 2021, maibé tanba sira na’in-tolu ne’e estudante hotu no fahe tempu la to’o no problema seluk mak produsaun ba prosesu shooting video ne’e liuhusi prosesu naruk ida, entaun foin termina iha fulan Agostu tinan 2022.

Portantu, video ne’ebé sira na’in-tolu produs ne’e, envolve husi inan-aman estudante, profesór eskola no labarik sira iha Dili no munisípiu sira, mak partisipa iha programa ne’ebé sira halo hodi produs video refere.

Enkuantu, Leila ho nia belun na’in-tolu hamutuk sira na’in–haat ne’e, mak hanesan Angela Vieira, Jovaldo Fakulto, Maria Anisanta no Leila Cepeda, sira mak produs video mundu labarik, iha tinan 2021 no remata iha tinan 2022, lansa dahuluk ba video refere iha loron 17 fulan Abríl tinan 2023.

“Ha’u kontente maski simples, maibé hatudu ona ha’u nia produtu liuhusi koñesimentu no kapasidade ne’ebé ha’u iha, hatudu ba iha públiku, pelu menus ha’u kontribui mós ba rai ida ne’e iha setór edukasaun liuhusi video refere, bele anima no motiva inan-aman sira, bele suporta oan sira ba eskola,” Dili-oan ne’ebé moris iha loron 3, fulan Maiu, tinan 2000 ne’e konta bainhira dada lia ho jornalista Timor Post iha Timor Plaza, Sábadu (15/04).

Lee Mós :
Embaixadora Manuela Atualiza Ajenda Vizita PM Portugál Hasoru PM Xanana

Total episode ba video ne’ebé sira produs, hamutuk episode 30, produs durante tinan ida resin, tanba hasoru difikuldade oi-oin, menus ekipamentu no laiha estúdiu rasik hodi produs video refere, entaun dala barak foin tama iha prosesu produs video, mosu barullu ruma, entaun sira tenke para, depois ema nonook tiha maka foin kontinua fali produs video refere.

Iha mós problema seluk, mak kolega sira eskola no servisu hotu, entaun fahe tempu ladún másimu hodi halo produsaun ba iha video ne’e, iha episode tolu.

Leila konta, sira uza estúdiu foun iha Bairru dos Grilos hodi produs video refere, maibé ke tanba fatin ladún seguru ba sira, entaun muda fali ba iha estúdiu ETO nian, maka foin finaliza produs video ne’e to’o ohin loron (Segunda feira, 17 fulan Abríl, tinan 2023, halo lansamentu ba iha públiku.

“Ha’u agradese ba Maromak nia domin no kbiit, maski hasoru difikuldade oin-oin, maibé tanba mai ho esforsu no vontade, no hetan suporta másimu husi inan- aman, inklui kolega sira, ikus mai hatudu rezultadu pozitivu,” Oan doben husi Abílio Tilman Cepeda no Edvigas Fatima Isaac, ne’e agradese.

“Ida ne’e, hanesan grasa no tulun husi Maromak nian, ne’ebé fó mai ha’u, liuhusi esforsu ne’ebé ami halo, utiliza ami nia tempu livre ho di’ak, ohin loron hatudu rezultadu no públiku bele asesu ona video ne’e, maski simples, pelu menus bele hatudu, katak ami  mós bele, hanesan ema seluk,” Estudante DIT ne’e katak.

Lee Mós :
UNTL Hein Regra Foun Hosi Ministériu Saúde

Atuál estudante finalista Institutu of Technology (DIT), konta, maski servisu hela iha Ministériu Edukasaun, Juventude no Desportu (MEJD), maibé nafatin fahe  tempu livre hodi envolve an iha atividade mundu múzika nian, hanesan aprende kanta, toka, no buat seluk tan.

“Ha’u aprende kanta, foin ho idade tinan 12, aprende husi papa no mama hanesan ema kantór ida, maski ladauk kompete iha kompetisaun ruma, maibé  toka ona iha uma no iha festa ruma hodi anima komunidade sira iha festa laran,” Menina bonita, Dili oan ne’e katak.

No Leila rasik, iha ninia múzika rasik, maibé sei iha prosesu gravasaun, nune’e nia labele fó sai uluk ba públiku, nia espera, iha tinan oin, nia bele halo lansamentu ba múzika ne’ebé nia produs ba iha públiku hodi asesu.

Daudaun ne’e, Leila mós envolve iha grupu banda Berliku Fanarai, iha Metiaut, no envolve mós iha grupu Banda The Kraken, banda Fakulta no grupu múzika seluk tan.

Portantu, Leila rasik iha mehi ida, hakarak sai kantora profisionál, iha future, mezmu ninia estudu foti  iha area turizmu nian, entaun obrigada nia tenke  aprende mós lala’ok setór turizmu nian, lori turista sira husi rai li’ur mai koñese turizmu iha rai laran, esplora turizmu iha rai laran ba rai li’ur, hodi hatudu ba mundu Timor nia turizmu mós furak hotu.

Enkuantu, Leila hahú ninia eskola primária Amigo de Jesus Taibesi, iha tinan 2006-2012, Pre-sekundária Katólika Saun Jose Operáriu, Balidi, iha tinan 2012-2015, kontinua ba sekundária nafatin iha Saun Jose Operáriu, iha tinan 2015-2017, depois kontinua estudu iha Institutu of Technology (DIT), Fakuldade Turizmu Ospitálidade, Departamentu Turizmu no hakerek ona monografia, hein tinan ona graduasaun ona.

Lee Mós :
Komunidade Devotu Jesus Divina Misericordia Pratika Asaun Hadomi Ambiente

“Dala ida tan, ha’u agradese ba Maromak nia domin no kbiit ne’ebé fó mai ha’u, maski hasoru difikuldade oin-oin, maibé tanba mai ho esforsu no vontade di’ak, no hetan suporta másimu husi inan-aman no kolega sira, ikus mai hatudu rezultadu pozitivu,” Leila agradese.

“Ha’u mós agradese ba MEJD no parseiru, liuliu Embaixadór Nova Zelándia no maun Asala, sira nia apoiu tomak husi fundu no material balun hodi suporta ami nia atividade produs video refere iha terenu durante ne’e tinan ida resin maski hasoru dezafiu no menus fasilidade, maibé tanba liña koordenasaun ho di’ak buat hotu la’o ho di’ak no konsege hatudu nia rezultadu,” Dili oan ne’e agradese.

Aleinde ne’e mós, nia agradese ba DIT tanba oferese ba nia hetan bolseira hodi hetan oportunidade eskola gratuitu hahú eskola semestre I to’o nia finaliza estudu iha eskola refere.

Nia dehan, maski inan-aman hanesan emprezáriu maibé nafatin suporta nia ho maun sira kontinua hotu eskola iha universidade maski balun seidauk finaliza estudu maibé, espera katak sei finaliza iha futuru.

Enkuantu, Dili oan ne’e ho nia maun alin hamutuk sira na’in-lima feto tolu no mane sira na’in-lima ne’e eskola hotu iha universidade.(*)

 4,678 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fahe Tempu ho Di’ak Sei Hetan Rezultadu Pozitivu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No