DILI (timorpost.com) — Ensinu Superior Privadu Institutu of Business (IOB), gradua tan Estudante Finalista na’in-503. Estudante hirak ne’e kompostu husi Fakuldade Ekonomia e Jestaun, Hospitalidade, no Teknolojia Informasaun Komunikasaun (TIC).
Total graduate sira ne’ebé ohin simu graduasaun hamutuk 253, kompostu husi departamentu rua hanesan Ekonomia e Jestaun, no Hospitalidade. Kona-ba programa Mestradu parte Teknolojia Informasaun Komunikasaun (TIC) aban mak foin simu graduasaun.
Serimónia graduasaun IOB ba dala XV ho Tema Jerál “Desafio e Oportunidade de Negocios Nas Area de Economia, TIC e Turismo na Era Ditalizacao”.
Magnifiku Reitór IOB, Pedro Ximenes, informa total estudante finanlista hamutuk 503, husi Fakuldade Ekonomia e Jestaun , departamentu Informasaun, Komunikasaun e Teknolojia, Hospitalidade no Turizmu e Programa Mestradu.
“Ohin ita halo Graduasaun etapa primeiru ba estudante finalista sira, ne’e fahe ba loron rua, ohin ba Fakuldade Ekonomia e Jestaun no Hospitalidade, Aban Fakuldade Mestradu ho TIC, total estudante finalista husi IOB ba tinan akadémika 2022 hamutuk 503”, nia hateten hafoin Serimónia Graduasaun iha salaun IOB, Segunda (19/12).
Nia esplika, estudante husi Fakuldade Ekonomia e Negósiu no Hospitalidade e Turizmu hamutuk 253, husi grau Baxarelatu no Diploma, fakuldade Mestradu no Teknolojia Informasaun Komunikasaun (TIC) ho total na’in-250.
Nia dehan, loron graduasaun hanesan loron ikus ba estudante finalista sira, loron ne’ebé haksolok no triste durante tinan haat nia laran, ikus halo família kontente.
“Ami husu ba Graduadu sira hotu, valór ne’ebé imi hetan hanesan sasukat ida ba imi, la’ós loron ikus maibé sei hetan naroman, ha’u fiar katak imi sei sai ema di’ak iha loron ikus”, dehan nia.
Iha biban hanesan, Ministru Ensinu Superior, Siénsia no Kultura (MESSK), Longuinhos dos Santos, nia parte parabéniza ba estudante finalista sira durante tinan haat aprende di’ak iha fatin refere.
“Iha biban ne’e ha’u hakarak parabeniza estudante finalista no família sira ne’ebé marka prezensa”, nia hateten.
Nia afirma, graduasaun nu’udar momentu importante ida ba Instituisaun Superior sira, signifika instituisaun ne’e hatene ona no tau kondisaun durante tinan haat nia laran, estudante sira aprende no resposta pozitivu ba dirijente akadémika nian.
Entretantu, partisipa másimu iha serimónia graduasaun ba dala XV nian, husi Ministru Ensinu Superior, Siénsia no Kultura (MESSK), Longuinhos dos Santos, entidade Estadu balun, reprezenta instituisaun Governu no privadu, estrutura magnifiku Reitór IOB, Inan-Aman husi Graduadu sira.
3,020 total views, 3 views today
Bele hare Video Seluk :
Subscribe to Timorpost
