DILI (TIMORPOST.COM)—Sekretáriu Estadu Protesaun Sivíl (SEPS), iha ona planu ba tinan oin sei rekruta tan korpu bombeiru mínimu na’in-50, membru hirak ne’e sei koloka ba postu foun balun ne’ebé sei estabelese iha Munisípiu sira.
“Planu ba tinan oin ita sei rekruta tan membru bombeiru mínimu ema na’in 50,” Sekretáriu Estadu Protesaun Sivíl, Mariano Domingos Reis, informa ba Timor Post iha nia knaar fatin Kaikoli, Segunda (06/11/2023).
Maibe, molok halo rekrutamentu, SEPS sei estabelese uluk postu ba bombeiru liuliu iha Ramelau, Natarbora inklui iha Bobonaru no Ataúru.
Planu governu harii postu bombeiru iha Ramelau ho objetivu hodi konserva area protejidu iha fatin ne’ebá, enkuantu postu ida tan iha Natarbora atu prepara asegura planu polítika Governu nian dada mina mai Natarbora. Bainhira postu hirak ne’e harii ona, sei koloka korpu foun sira ba iha fatin ne’ebá.
Alende rekrutamentu ba korpu bombeiru, SEPS sei implementa programa kapasitasaun ba rekursu umanus, halo revizaun ba lei baze protesaun sivíl, konstrusaun ba edifisiu autoridade protesaun sivíl iha nasionál no munisípiu no aumenta karreta tanke hodi bele apoiu ba postu foun hirak ne’ebé planu atu harii.
12,981 total views, 3 views today
Bele hare Video Seluk :
Subscribe to Timorpost
