Mediadór DNPKK Hetan Formasaun Lideransa Transformativa

Dili (timorpost.com)—Mediadór Diresaun Nasionál Prevensaun Konflitu Komunitáriu (DNPKK) hetan formasaun lideransa transformativa no igualdade jéneru, iha Suai Room, Timor Plaza, Segunda (08/05/2023).

Iha abertura, Komandante Operasaun Nasionál APC, superintendente Asistente PNTL, Nuno Romualdo Gomes, hatete ho formasaun lideransa transformativa atu kontribui ba servisu mediadór no xefe departamentu foun ninia servisu ho di’ak liu tan.

SCROLL FILA BA NOTISIA

“Formasaun lideransa importante los, atu kapasita di’ak liu tan koñesimentu mediadór sira nian hodi hala’o servisu ho di’ak, atu kontribui ba hametin pás no redusaun konflitu iha komunidade sira nia leet”, nia esplika.

Lee Mós :

Rusa 3 Mate Tán, Hamutuk 71 Mak Mate Ona Iha Illa Jako

Segundu lideransa APC ne’e, konsidera mediadór ninia servisu barak liu iha terrenu ho kbiit atu halo koordenasaun ho autoridade lokál no entidade sira hodi haree kazu disputa no konflitu sira.

Enkuantu, reprezentante UN WOMEN iha Timor-Leste, Flora Wai Shan Chan, hatete Dezde kedas iha Covid-19 iha 2020 formasaun lideransa transformativa hala’o hamutuk ho UN WOMEN, DNPKK ho JU,S atu haree kona-ba justisa liga ho mediadór sira nia servisu hodi responde ba violénsia ba jéneru liuliu igualdade jéneru iha Timor-Leste

Ko’alia kona-ba pás nasionál iha Timor-Leste, nia konsiderasaun mediadór DNPKK sira nia papél importante tebes iha sosiedade Timor-Leste, atu asegura no garantia hodi asesu justisa ba ema hotu-hotu, inklui violénsia ba jéneru liuliu ba feto, labarik feto sira no grupu vulneravel sira iha TL.

Lee Mós :

PNTL Apela Joven Sira Evita Konflitu, Karik Kontra Sei Simu Konsekuénsia

Konsultór internasionál ne’e, fó parabéns ba mediadór DNPKK sira nia servisu mediasaun, ne’ebé konsege fó ona solusaun ba kazu hamutuk 200 hosi kazu 400, ne’ebé DNPKK rejistu iha tinan 2021 no iha tinan 2022 solusiona tan kazu hamutuk 166, ida ne’e hatudu servisu mediadór DNPKK porsentu 45 hetan rezultadu di’ak no susesu.

Entretantu partisipante iha treinamentu hamutuk 50 kompostu hosi xefe departamentu DNPKK foun hosi Munisípiu Aileu, Ainaru, Ataúru, Baukau, Bobonaru, Kovalima, Lautem, Manatutu, Manufahi, RAEOA no Vikeke.

Lee Mós :

APC Rejistu Uma-Kain Tolu Afeta Dezastre Natural

Formasaun ne’e hala’o durante loron haat, hahú hosi loron 08 to’o loron 11 fulan Maiu tinan 2023, ne’ebé fasilita matéria hosi fasilitadór DNPKK ho UN WOMEN no fundu ho Governu Swédia.

Notísia ne’e Asesu liu hosi Autoridade Protesaun Sivíl Timor-Leste nian, Tersa (09/05/2023).

1,647 total views, 3 views today

Oinsa Ita nia Reaksaun iha Notisia Nee?