DILI (TIORPOST.COM) – Prezidente Repúblika (PR) José Ramos Horta, husu ba Governu atu tau atensaun ba krime organizadu hanesan money laundry, tráfiku umanu no droga.
Primeiru Ministru (PM) Kay Rala Xanana Gusmão, afirma, iha reuniaun Konsellu Superior ne’e Prezidente Repúblika, José Ramos Horta, husu ba Governu atu tau atensaun ba krime organizadu, Money Laundry, Tráfiku Umanu no Droga.
“Iha enkontru ne’e, ami ko’alia kona-ba seguransa nasionál ninian, liuliu kona-ba krime organizadu, money laundry, tráfiku umanu no droga, ne’ebé Prezidente Repúblika husu atu hothotu tau atensaun ba ida ne’e,” Xanana hateten ba jornalista sira hafoin remata reuniaun Konsellu Superior iha Palasiu Prezidensial Bairru Pite, Kinta (08/02/2024).
Nune’e mós, Prezidente Repúblika apresia Joven sira no responsavel grupu arte marsiál nian, tanba depois suspende problema komesa menus ona..
“Prezidente Repúblika fó apresia boot ida joven sira hotu no responsavel grupu arte marsiál sira hotu, ne’ebé depois hasai tiha desizaun suspende komesa diminui,” Xanana hatutan.
Xefe Ezekutivu ne’e afirma liutan katak, Prezidente Repúblika José Ramos Horta, fó apresia boot bainhira enkuadra iha tempu Natal nian, no tinan foun, ikus mai laiha akontese buat ida.
Tanba ne’e, Prezidente Repúblika hatete bele fiar joven sira nia partisipasaun, ne’ebé ho konsensia tebes atu nune’e bele hanoin daudauk ona oinsá bele hadi’a rai ida ne’e.
“Ami ko’alia tan buat seluk maibé ha’u husu deskulpa tanba laiha autorizasaun atu dehan, mas ko’alia kona-ba apresia ida ne’e husi ministériu, husi membru sira mós fó hanoin daudauk ona,” PM Xanana relata.
Tanba ne’e, PM Xanana hatete tan nia parte hodi husu ba ema hotu inklui mós Jornalista sira katak, bainhira hetan ema ruma konsumu droga ou fa’an droga karik lalika ta’uk no ko’alia barak, maibé fó hatene ba polisia ou ministériu sira ne’ebé kompetente para rezolve tiha kazu sira ne’e.
1,605 total views, 3 views today
Bele hare Video Seluk :
Subscribe to Timorpost
