DILI–Ministru Prezidensial Konsellu Ministru Fidelis Manuel Leite Magalhaes, afirma komisariu Komisaun Anti Korrupsaun (KAK) foun atu nomeia, governu hein desizaun husi parlamentu.
“Ami hatoo ona katak bainhira parlamentu nasional konkorda aprova, la konkorda vota kontra”, Fidelis hatoo asuntu nee iha sala ministeriu finansas Aitarak laran, Sesta (17/03).
Desizaun nee hotu tiha mak depois maka bele determina hakat sira tuir mai, karik maioria parlamentu vota kontra kandidatu governu nian.
“Governu obrigadu tenke nomeia fali foun, sidauk too iha neeba, entaun ami sei hein, hau dehan nee kompetensia parlamentu nian”, nia hateten.
Nia dehan, konstituisaun hatuur klaru kompetensia governu nian no kompetensia parlamentu nian, ba komisariu KAK nee katak governu propoin ba iha parlamentu aprova.
Kuandu parlamentu deputadu sira vota ona la pasa maka governu haree fali hakat sira tuir mai.
Antes nee governu liuhusi reuniaun konsellu ministru aprova ona dekretu lei ida, hodi nomeia eis prokurador Jose Ximenes hodi trola komisariu Atual Sergio Hornai.
Maibe daudaun desizaun ba Komisariu KAK nee daudaun nee sai polemika boot iha parlamentu nasional tanba sidauk iha desizaun.
371 total views, 24 views today
