DILI (timorpost.com) — Tanba dun halo korrupsaun, Sekretáriu Jerál Partidu FRETILIN, Mari Alkatiri, husu Lider Nasionál Kay Rala Xanana Gusmão, atu aprezenta prova ba Ministériu Públiku (MP).
“Ha’u la hatama keixa, ha’u husu Ministériu Públiku para bolu Xanana Gusmão, para nia aprezenta provas dehan ha’u halo korrupsaun ne’e”, nia hateten asuntu ne’e hafoin ho estrutura partidu FRETILIN realiza audiénsia ho Xefe Estadu kona-ba markasaun data eleisaun parlamentár 2023, iha Palásiu Prezidensiál, Bairru-Pité, Segunda (06/02).
Nia dehan, nia parte la hatama keixa, nia la hatama keixa kontra Lider Nasionál, Kay Rala Xanana Gusmão.
Entretantu antes ne’e Prezidente Partidu CNRT, Kay Rala Xanana Gusmão, hakarak Mari Alkatiri husu deskulpa ba povu tomak iha Timor-Leste maka nia foin bele fó perdaun.
Nia haktuir, uluk nia rezigna aan hosi Primeiru Ministru, iha Governu Dalimak Konstitusionál hodi hili Rui Maria de Araújo ba Primeiru Ministru, para fó biban ba Xanana lidera ekipa Gabinete Fronteira Maritima, hodi luta ba soberania tasi Timor, nune’e deputadu FRETILIN labele vota kontra beibeik hodi nonook akompaña prosesu Timor-Leste lori Austrália ba tribunál internasionál tuur hamutuk rezolve disputra fronteira liuhosi prosesu konsiliasaun.
“Uluk tanba demokrasia ita bolu ema hotu-hotu mai ukun, ha’u fó tiha Oe-Kusse ba Mari, to’o ne’ebá hotu-hotu tenke tama FRETILIN, agora Arsénio Bano estraga liután ona. Korrupsaun boot teb-tebes justisa la la’o”, nia hateten iha Balibo, Munisípiu Bobonaru, iha loron Domingu (22/01).
Nia hatutan, Justisa buka ne’e maka sira ne’ebé halo korrupsaun ho osan 4000 USD, 3000 USD, justisa kala ema sogok-sogok.
“Tanba ne’e maka ita presiza tempu foun hodi hadi’a tiha fo’er sira ne’ebá ne’e. Agora ho Mari ha’u sei la kaer liman, ha’u bolu nia traidór, tanba sá? Tanba iha sira-nia Governu asina akordu ida ho Austrália simu osan barak, para labele ko’alia fronteira maritima durante tinan 50. Book tun book sa’e, la bele ba tiha Governu depois mak fó tiha Governu ba FRETILIN (Bolu Rui Maria de Araújo sai Primeiru Ministru) maka ha’u ba book fronteira maritima,” nia hateten.
2,501 total views, 3 views today
Bele hare Video Seluk :
Subscribe to Timorpost
