ADVERTISEMENT

Votu Ida Deside Nasaun nia Moris iha tinan 5, Povu tenke Toma Responsabilidade

Augusto Sarmento - Polítika
Jornalista : Gilberto dos Santos
  • Share

LIKISÁ (Timorpost.com) Vigariu Jeral Dioseze Maliana padre Lucio Norberto de Deus, hatete eleisaun parlamentar iha loron 21 Maiu, votu ida deside nasaun nia moris iha tinan Lima mai, povu tenke toma responsabilidade hodi fihir didiak ukun nain sira.

 

ADVERTISEMENT
SCROLL FILA BA NOTISIA


Amu Lucio de Deus hatoo, iha loron 21 fulan Maiu tinan nee, loron domingu depois misa, povu sei ba vota, husu ba hotu-hotu toma responsabilidade nuudar ema sidadaun diak iha timor hodi ba vota.

 

Maibe vota ho responsabilidade hodi haree ba pasajen sira neebe mak liu tiha ona durante tinan lima nia laran, toma responsabilidade ida nee hodi vota, vota ho responsabilidade.

 

Amu lulik nee hatete, husi sidadaun ida nia votu mak determina o nia moris povu timor nia moris, durante tinan lima nia laran.

Lee Mós :
PM Xanana Presta Omenajen Iha Jardín Eroi Kalibata Indonézia

 

Nee duni ba vota ho diak, vota ho konxiensia katak o kumpre duni ba dezenvolvimentu progresu povu timor nian, nee duni labele naran ba vota tuir deit hakarak.

 

“Iha timor nee haree ita hotu-hotu nee militante maibe lae, hau hatene lae tanba militante nee sira neebe organiza partidu, maibe povu nee simpatizante”, amu Lucio de Deus hatoo, fo hanoin ba sarani hafoin remata misa Sabadu (08/04).

 

Simpatizante nee labele panatik, depois o ba vota soe votu arbiru deit, o nia votu ida determina o nia moris o nia familia nia moris povu timor nia moris, durante tinan Lima nia laran, eleisaun too mai ba vota halo didiak vota ho konxiensia.

Lee Mós :
Horta - Penny Wong Diskute Koperasaun Entre Nasaun Rua iha Futuru

 

Eleisaun jeral nuudar momentu importante momentu oportunu, atu ema diside ema nasaun ida nia moris, momentu no tempu ba oportunidade atu ema bele halo mudansa ba povu no ba nasaun ida nee.

 

“Hau rona votu ida nia folin 4 dollar, neebe o ba vota, vota arbiru deit katak o ba soe 4 dollar saugati deit”, bibi atan nee fo hanoin.

 

Nee duni dala ida tan toma responsabilidade iha kampana neebe hahu iha loron 19 Abril mai, ba rona programa saida maka nai politiku sira nee hatoo.

 

Saserdote sublina, ida neebe mak nai ulun sira trata malu nee husik tiha, ba rona sira hatete saida ba povu nia moris iha tinan Lima nia laran mai nee.

Lee Mós :
Mari Lori Fretilin Vota Kontra OJE 2024, Aprovadu Ho votu Afavór 41

 

Tanba nia husu ba politika nai sira katak, povu timor ohin loron presiza atu moris diak ba sira nia moris iha futuru, laos presiza atu moris deit iha fatin hanesan tinan lima liu ba nee, povu timor hakarak nasaun nee lao ba oin.

 

Molok remata nia apela dala ida tan ba politika nain sira katak, iha Kampana mai durante fulan ida nee, ba hatoo programa iha povu nia fatin, laos ba trata malu iha povu nia leet.

 1,558 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Votu Ida Deside Nasaun nia Moris iha tinan 5, P…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No