DILI (timorpost.com)—Diretór Ezekutivu FONGTIL, Valetim da Costa Pinto, apresia ba povu Timoroan tomak ne’ebé hatudu ona maturidade di’ak iha festa natal ho situasaun ne’ebé kontroladu, maski mosu konfrontasaun balu maibé bele rezolve.
Fongtil husu ba komandu rua PNTL no F-FDTL atu aumenta volume vijilánsia iha loron boot tinan tuan no foun.
“Tuir ami nia haree situasaun iha rai laran hakmatek, maibé ha’u hanoin presiza tenke tau matan liu-liu kona ba sidadaun sira uza fogete iha fatin-fatin sira ne’ebé ladún fó kondisaun di’ak ba família sira ne’ebé hakarak deskansa iha kalan, “Nia haktuir lia hirak ne’e ba jornalista sira iha nia kna’ar fatin Kinta (28/12).
Diretór ne’e haktuir, maske iha fatin balun mosu konfrontasaun maibé apresia ba seguransa PNTL-F-FDTL ne’ebé halo vijilánsia movel hodi atua situasaun iha rai laran kontroladu.
“Ita nafatin husu seguransa parte rua atu nafatin aumenta volume vijilánsia hodi kria situasaun ne’ebe seguru, armonia atu ema hotu bele pasa tinan tuan ho foun ho ambiente ne’ebe hakmatek no dame”. Nia dehan.
963 total views, 6 views today
Bele hare Video Seluk :