Laútem (timorpost.com) – Komunidade sira husi Postu Administrativu Lore, Munisípiu Lautém, husik lenuk oan kuaze atus haat-resin ba zona marina ka tasi laran, ho objetivu atu hakiak animál sira hodi promove area turizmu sai fuarak iha Timor-Leste.
“Ita-nia animais mak ita-nia riku-soin, tanba ne’e mak tenke kuidadu sira, labele estraga, maibé promove sira atu sai riku-soin nasaun nian, husi jerasaun ba jerasaun,” hateten estudante, Pio Freitas Sampaio, hosi Departamento Politicas Públicas, Fakuldade Ciência Sociais iha UNTL, Kaikoli (27/01).
Nia dehan, ko’alia kona-ba Fatin turizmu, liuliu iha araea potensialidade sira iha Munisípiu Laútem, barak liu, mak nakonu ho animál sira, hanesam iha ilhéu Jacó, iha zona ne’ebá rusa no lenuk, no animál sira seluk mós barak, entaun ne’e hanesam politika dezenvolvimentu ekonomia atu ita bele tau importánsia hodi promove sira sai hanesan fatin turizmu ida iha nasaun.
Nia hatete, hanesan mós iha Postu Administrativu Lore, husik animais hanesan lenuk (Tartaruga-Tortoise), kuaze atus haat-resin, ne’e objetivu ida atu promove sira sai hanesan fatin potensiál ida ba area turizmu nian.
“Ita-nia Governu mós liuliu iha Parlamentu Nasional hosi komisaun D, ne’ebé trata asuntu Dezenvolvimentu ekonomia, sira mós sempre levanta asuntu oinsá promove fatin turizmu sira, entaun meius hira ne’ebé komunudade hili, ne’e nu’udar meiu importante ida ba Governu, atu potensializa area turizmu sira, hodi nune’e bele ekonomiza fatin turizmu sira ba povu nia moris”, nia subliña.
Nia dehan, lenuk ki’ik ne’e komunudade iha Postu Lore husik, ne’e bain-bain ona, maibé ita-nia Governu rasik seidauk tau importansia ba ida ne’e, tanba lenuk ka (Tartaruga), hamutuk nia inan, kuaze Atus haat-resin, signifika animais iha tasi laran ne’e barak demais.
Maibé tanba saida atu promove sira, kestaun sira ne’e iha área polítika implementasaun de’it, maibé nunka tau iha pratika polítika dignu ba povu sira, liuliu halo promovidu ba ita-nia riku-soin sira, iha tasi laran, rai matan sira, hodi bele ekonomiza no mellora ba povu nia sobre vivo.
Iha parte seluk, estudante akademika UNTL, area turizmu, Margarida Alves da Costa, hatete komunidade ne’ebé iha inisiativa rasik hodi promove nia animais ka riku-soin sira, ne’e hanesan asaun karitativa ida, oinsá promove riku-soin iha nasaun.
“Tanba tuir teoria Hirako ne’ebé ita iha no aprende, hafurak fatin turizmu ne’e mai ita-nia hanoin rasik, tanba atu kuidadu riku-soin, marítima, no terrestre ne’e ita povu ka estadu ne’e rasik nia kompeténsia”, nia hateten.
Nia hatutan, kuidadu animais sira tasi nian, hanesan lenuk, ikan, no seluk tan, presiza kuidadu nafatin tanba sira mak riku-soin Timor-Leste nian.
“Ita orgullu tanba povu ki’ik mós komesa iha mudansa pisikolojia ida, oinsá kuidadu riku-soin nasaun nian, nune’e husu ba Governu liuliu Ministériu Turizmu Komérsiu no Indústria (MTKI), atu haree oinsá tau planu prioridade ba fatin turizmu sira, nune’e bele loke ita-nia taxa ekonomia di’ak ba mudansa moris povu nian”, nia hakotu.
2,537 total views, 3 views today
Bele hare Video Seluk :
Subscribe to Timorpost
