DILI (pimorpost.com) – Prezidente Sesante Konsellu Imprensa, Virgílio da Silva Guterres, husu ba membru Asosiasaun Jornalista Timor-Leste (AJTL) sira atu hili ema ne’ebé iha prontidaun hodi ba hamutuk iha Konsellu Imprensa (KI).
Nia hatete, ohin AJTL realiza konferénsia atu hili ema AJTL atu sai mandatu foun ba iha Konsellu Imprensa iha tinan 2021 to’o 2025.
“Tanba ne’e ha’u fiar AJTL sei hili ema ne’ebé iha prontidaun atu reprezenta jornalista nia interese iha Konsellu Imprensa,” nia diskusaun hafoin partisipa konferénsia AJTL iha Delta Nova, Sesta (27/01).
Nia dehan, atu ba tuur iha Konsellu Imprensa laiha interese polítika ida no privadu, maibé interese jornalista sira-nia liberdade iha Konsellu Imprensa. Nune’e mós Jornalista sira labele atu inkilina an iha polítika.
“Ha’u fiar katak AJTL sei hili ema ne’ebé atu reprezenta jornalista nia interese atu ba iha konsellu imprensa,” nia afirma.
Entretantu iha fatin hanesan Prezidente AJTL, Zevonia Vieira, mós husu ba Prezidente Konsellu Imprensa Sesante Virgílio Guterres, atu kontinua servisu hamutuk ho Konsellu Imprensa no Asosiasaun jornalista sira.
“Ami-nia lia-menon ba Prezidente sesante KI, Virgílio da Silva Guterres, ohin sai ona Provedór Defende Direitu Umanu, labele haluhan kontinua luta ba Libertasaun Imprensa hamutuk ho Konsellu Imprensa, asosiasaun no jornalista sira,” nia hateten.
Nia hatutan, nia parte hatete ida ne’e, tanba parte husi diretu umanu, sempre tatoli iha rai laran no mós iha rai li’ur.
Ikus liu nia mós husu ba Provedór Diretu Umanu no Justisa, labele haluhan halo advokasia iha públiku sira atu haforsa ninia luta ne’ebé laiha rohan.
2,254 total views, 3 views today
Bele hare Video Seluk :