Dili (timorpost.com)— Partidu polítiku rua hanesan Partidu Demokrátiku Repúblika Timorense (PDRT) no Asosiasaun Popular Monarquia Timorense (APMT) realiza Konferénsia Nasionál hodi halo koligasaun hasoru iha Eleisaun Parlamentár tinan 2023.
“Ami halo koligasaun ne’e entre Partidu Demokrátiku Repúblika Timorense no Asosiasaun Popular Monarquia Timorense hodi hasoru no avansa iha Eleisaun Parlamentar tinan ida ne’e”, Prezidente Partidu Demokratiku Republika Timorense (PDRT), Agostinho Gomes, informa nia diskursu Konferénsia Nasionál Koligasaun iha Salaun Komisaun Nasionál Eleisaun (CNE) Kolmera, Sábadu (04/03).
Nia hatete, tanba ne’e konferénsia refere ho tema “Ho Lisan, Ita Hametin Unidade Nasionál no Haburas Demokrasia Iha Prosesu Dezenvolvimentu”.
Objetivu ba Konferénsia Nasionál hodi buka rezolusaun atu fortifika ba Koligasaun Partidu PDRT no APMT ninian.
“Ho razaun ami halo koligasaun ne’e hodi hakat ba Eleisaun Parlamentár no ami haree ami nia raan ne’ebé hanesan no abut mak povu ai-leba, ne’ebé ami fiar-an sei manan iha eleisaun tinan ida”, nia dehan.
Partisipa másimu iha konferénsia refere hosi estrutura Nasionál to’o Munisípiu sira hotu entre Koligasaun Partidária PDRT no APMT ne’e.
1,654 total views, 3 views today
Bele hare Video Seluk :
Subscribe to Timorpost
