Dili (Timor Post)- Ministeriu Saúde (MS) hamutuk ho Organizasaun Mundial Saude (OMS) Realiza Workshop hodi Diskuti Dokumentu Essensial Kuidadu Saúde Sekundaria no Tersiaria.
“Objetivu husi Atividade ida ohin ne’e, atu aprezenta preliminariu finding atu hakerek esbosu pakote hospitalar ho pakote sekundaria no tersiaria,”dehan Dirétora Jéral Prestasaun Servisu Saúde Odete da Silva Viegas iha Salaun Hotel Novu Turizmu Lesidere, Kuarta (09/03/2022).
Nia hatete, Iha tinan kotuk asesor timoroan balun hakerek ona esbosu kona ba pakote ida ne’e. Prestasaun timor rekere atu iha investigasaun klean liu hodi hare’e rekursus no insfrastrutura ne’ebe kondis ho situasaun agora atu eleva no presija hadia.
Nia esplika, Kritika barak kona ba profesionais saúde sira maibe nafatin kontinua hala’o sira nia servisu. Ita mos presija harmoniza no integra di’ak liu tan servisu sira ne’e, nune’e ita bele espalla informasaun ne’ebe adekuadu ba ita nia komunidafe sira.
Klasifikasaun ba moras Primaria ita hare’e liu ba Promosaun, Prevensaun no atendementu konsulta baibain nian Klasifikasaun moras sekundaria iha nivel munisipiu iha interna nia mak moras laran, moras fuan, hipertensaun no Diabetes. Ba tersiaria nian subespesialista ba intervensaun ba Korasaun no Konkluzia nian.
Reprezentante WHO Arvind Mathur hatete, sira sei oferese teknikal ruma ba sentru saúde sira iha Timor laran tomak, atu hare’e liu ba moras espesialista sira no oinsa atu transfere pasiente sira ba hospital ne’ebe iha fasilidade kompletu inklui hare’e moras ne’e iha kateria primaria ka Sekundaria ne’e depende ba kondisaun moras ida-idak nian.
WHO sei fó trenamentu no bolu tekniku iha rai liur hodi fó formasaun ba médiku timoroan sira hodi aumenta sira nia skill hodi atende pasiente ne’ebe mai ho moras klasifikasaun sekundaria no tersiaria.
Moras fuan no kankru ne’ebe dadaun ne’e sae makas tamba ema barak mak la halo ginastika no konsumu alkohol no tabaku barak liu mak hamosu moras sira ne’e,”. nia hatete.(Lee notisia seluk iha jornal Timor Post/asesu youtube Timor Post)
2,850 total views, 24 views today
Bele hare Video Seluk :
Subscribe to Timorpost
