Jornalista Jaime Pires / Editór Noémio Falcão
Dili (Timor Post)—Polísia Nasionál Timor Leste liuhusi Unidade Patrollamentu Fronteira (UPF), halo pasa revista iha Batugade konsege prende karreta ida ho joven na’in -tolu.
Dehan Komadante Unidade Patrolliamentu Fronteira (UPF), Superentendente Euclides Belo ba Timor Post via via telefone, Kinta (09/12/2021) haktuir, membru sira halo asaun ne’e tanba iha evidénsia forte joven na’in-tolu ba hasa’e sintu iha Indonézia.
“Sidadaun na’in-tolu ne’e kaptura iha dalan protokolu, ohin tuku-neen-dadeer,” Euclides informa.
Nia hatutan, sidadaun na’in-tolu ho identidade mane hotu ne’e ida-idak ho inisiál JL husi Suku Cassa-Ainaro ne’ebé nain ba objetu sira hanesan farda Grupu Arte Marsiál (GAM)-PSHT (Persaudaraan Setia Hati Terate) hamutuk ho sertifikadu, enkuantu na’in-rua seluk ho inisial JS ho JA husi Suku Becora-Dili ne’ebé fasilita tula autor ne’e ho karreta númeru matríkula A.18.781, marka Avanza kór metan.
“Evidénsia ne’ebé rekolla mak hanesan, farda treinu kalsa no faru PSHT pares-3, livru PSHT-3, sertifikadu-6, piagam-6, livru pedoman-2, sertifikat sumpah-6 iha karreta laran,” Euclides haktuir.
Komandante ne’e reforsa, joven na’in-3 ne’e foti ona sira nia identidade no entrega ona ho evidénisa ba Komandu PNTL Munisípiu Bobonaru hodi kontinua prosesu investigasaun.
1,287 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![UPF Prende Karreta ho Joven Na’in-3](https://timorpost.com/wp-content/uploads/2021/12/8db04979-f1da-4e0e-a302-034b3dcbe38e.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)