ADVERTISEMENT

Hili Komisáriu KAK ho Intensaun Sei Hamosu Dezastre Boot

Liduway Xavier - Jeral · Justisa · Lei no Justisa
Jornalista : Cesário Sousa
Editor : Liduway Xavier
  • Share
Xefe Bankada PLP, Deputada Maria Angelina Sarmento Lopes. Foto Espesiál

DILI, (timorpost.com)— Xefe Bankada Partidu Libertasaun Populár (PLP) iha Parlamentu Nasionál, Maria Angelina Sarmento, hatete bankada FRETILIN no CNRT seidauk iha konsensu ba komisáriu Komisaun Anti Korupsaun (KAK), tanba iha intensaun tendensiozu ne’ebé sei hamosu dezastre boot.

“Sira-nia kestaun ka sira-nia dúvida kona-ba imparsialidade husi kandidatu sira ne’e ka sira dada-malu tanba preferénsia ba kandidatu sira ne’e, ou bele iha tendénsia. Sira dada ho intensaun tendénsia, ne’e dezastre boot, tanba ita dudu kandidatu ne’ebé ita-nia preferénsia ba tuur iha KAK atu haree kazu ne’ebé maka ita-nian ita tau sees tiha”, dehan Deputada Maria Angelina Sarmento, iha Uma Fukun Parlamentu Nasionál, Tersa, (13/02).

ADVERTISEMENT
SCROLL FILA BA NOTISIA


Lee Mós :
Tabela Osan Selu Karreta Ba Munisípiu

Nia hatutan, karik kandidatu KAK ne’e iha imparsialidade, nia tempu liu tiha ona maibé kandidatu iha preferénsia iha intensaun sei lori dezastre no sei iha tendénsia polítika ba komisáriu KAK.

Lee Mós :
STAE e CNE destroem material eleitoral de 2017 e 2018

“Tendénsia polítika hanesan, ha’u hanoin di’ak liu halakon tiha KAK fó fali ba Ministériu  Públiku tanba ita ko’alia kona-ba krime korrupsaun Ministériu Públiku nia kompeténsia”, hatete nia.

Entretantu, antes ne’e, kandidatu na’in-rua ne’ebé Governu aprezenta ba Parlamentu Nasioál mak, Sergio Hornai no Rui Pereira maibé Parlamentu Nasionál la konsege hetan konsesu ba kandidatu na’in-rua ne’e. Tanba ne’e, Governu deside sei aprezenta fila-fali entre kandidatu na’in-rua ne’e ida. Nune’e mós kandidatu Sergio Hornai, hetan ona nomeiasaun ba Ministru Justisa hodi troka matebian Saudozu, Amandio de Sá Benevides.(*)

 537 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hili Komisáriu KAK ho Intensaun Sei Hamosu Deza…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No