Faustino dos Santos “Renan Selac”, moris iha loron 1 fulan Maio tinan 1957, moris fatin iha aldeia Ira-Ara, suco Fuiloro, postu administrativo Lospalos, Municipio Lautem.
Saudoso Faustino dos Santos “Renan Selac” oan husi familia “No Reci ho Nuku Malai”. Faustino dos Santos”Renan Selac” oan da ruak husi maun alin nain hat (4), ho feto tolu (3) no mane nia mesak.
Saudoso Faustino dos Santos “Renan Selac” hahu eskola Pre-primaria iha tinan 1964 iha eskola minicipal de Lospalos, husi eskola Pre-primaria municipal de Lospalos refere saudosp hahu ho classe husi ABC to’o premeira classe (1ª Classe).
Iha tinan 1965 Faustino dos Santos”Renan Selac” kontinua eskola fali iha Colegio Fuiloro husi Segunda classe to’o terceira classe (2ª classe to’o 3ª classe)
Iha tinan 1967/1968 muda fali ba eskola Acção Psico Social iha Companhia Caçadores No.14 Lospalos, husi eskola ida ne’e saudoso Faustino dos Santos”Renan Selac” conclui ninia eskola ho Quarta classe (4ª classe) iha tinan 1969.
Iha 1973 to’o 1974 saudoso Faustino dos Santos”Renan Selac” komesa tama ba iha servisu obrigatorio segunda linha (2ª linha)
Iha tinan 1975 wainhira funu tama saudoso Faustino dos Santos”Renan Selac” tama iha Milisia Popular ne’ebe mak organiza husi diresaun da luta iha altura ne’eba.
Durante base de Apoio saudoso Faustino dos Santos”Renan Selac” tama ba FALINTIL iha força intervensaun sai hanesan comandante secção hamutuk ho comandante Gil Fernandes ho Frederico da Costa Bere Malai Laka.
Base de Apoio rahun iha tinan 1978 depois de re-organiza fali forças husi ponta leste, saudoso Faustino dos Santos”Renan Selac” nomeado sai nafatin hanesan comandante da secção.
Saudoso Faustino dos Santos”Renan Selac” nia codigo fou-foun “Mau-Loy” maibe depoios de re-organização saudoso muda fali nia naran ba “Renan Selac” to hakotu is.
Iha tinan 1980, saudoso Faustino dos Santos”Renan Selac” hola parte nafatin iha força descamentos de guerrilha.
Durante iha funu laran iha tinan 1981, saudoso Faustino dos Santos”Renan Selac” forma familia ho nia kaben ho naran dona Arminda Gonçalves. iha familia ida ne’e maromak haraik oan nain hitu (7) ba sira, entre oan nain hitu (7) ne’e mane nain tolu (3) no feto nain hat (4) maibe oan feto ida mate iha funu laran durante fase de gerrilha iha tinan 1982.
Iha tinan 1982, saudoso Faustino dos Santos”Renan Selac” forças concentradas sai hanesan comandante pelotão. kargu hanesan comandante da pelotão hahu husi 1982 to’o mai 1985.
Iha fulan Junho tinan 1985 , comandante Falu Txay ho Comisario Mau-Velis mate, ho nune’e foti fali saudoso Faustino dos Santos”Renan Selac” sai hanesan Adjunto Lançado ba iha Forças Armadas.
Iha tinan 1989/1990, saudoso Faustino dos Santos”Renan Selac” nomeado sai hanesan Secretario da Região um (1) Ponta Leste.
Iha tinan 1999 – 2001, saudoso Faustino dos Santos”Renan Selac” sai hanesan segundo (20) Comandante da premeira companhia da região um (1).
Iha tinan 2000, saudoso Faustino dos Santos”Renan Selac” sai husi acampamento Falintil iha Aileu ba vida sivil.
Iha tinan 2007 – 2012, saudoso Faustino dos Santos”Renan Selac” sai nudar Vice-Presidente ba Partido UNDERTIM no sai membro Parlamento Nasional iha segunda legislatura.
Iha tinan 2017 husi Congreso Concelho Veteranos Municipio Lautem nomeia saudoso Faustino dos Santos”Renan Selac” sai nudar Presidente Concelho Veterenus municipio Lautem.
Iha fulan Janeiro tinan 2020, saudoso Faustino dos Santos”Renan Selac” nomeado husi congreso Nasional dos Assuntos Veteranos nomeia saudoso hodi assume kargu nudar Vice – Presidente Concelho Veteranos Nasional.
Iha loron 1 fulan Setembro tinan 2020, saudoso Faustino dos Santos “Renan Selac” heten moras atakasaun iha saudoso nia residencia uma Lospalos no loron ne’e kedas familia lori ba sentro saude Lospalos hodi transfere mai baixa iha Hospital Nasional Guido Valadares iha Dili durante loron sia (9).
Iha loron 10 fulan Setembro tinan 2020 saudoso Faustino dos Santos”Renan Selac”hakotu nia viagem moris iha mundo ne’e iha oras tuku 11:30 iha Hospital Nasional Guido Valadares.
Adeus Aman Laran Luak
O nia esperito FALINTIL ami kuda iha ami nai fuan to’o amen.
1,053 total views, 3 views today
Bele hare Video Seluk :
Subscribe to Timorpost
