Dili,(timorpost.com)—Diretora Klínika Santo Antonio Motaél, Inácia Mafalda Fatima, relata, agora daudauk vizitante ka pasiente sira menus mai halo konsulta iha Klínika privadu sira.
“Vizitante iha ne’e, tuir loloos hanesan stabile katak pasiente ne’e mai la’ós barak maibé mantein ho totál pasiente ne’ebé iha. Maibé tinan ida ne’e, hanoin pasiente menus liu no dala ruma loron ida pasiente laiha mai konsulta iha klínika Motaél ne’e”,Diretora Inácia, informa ba Timor Post, iha kna’ar fatin, Kuarta, (03/07).
Nia hatete, kompara vizitante iha tinan uluk, pasiente sira movimentu mai iha klínika privadu barak liu vizitante pasiente iha fulan Janeiru to’o mai agora ladún iha ema atu konsulta sira nia moras iha Klínika Motaél.
Maibé tuir nia haree ema hakarak isin di’ak liuhusi tratamentu sira ne’e, más haree husi fali ba klínika ne’e privadu, entaun pasiente sira atu mai mós tenke haree nia ekonómia.
“Agora daudauk ne’e, ha’u hanoin loron ida ami atende pasiente la to’o 10 no dala ruma laiha, tanba klínika barak loos, depois mai klínika privadu ne’e presiza haree ekonomia”, Inácia, hateten.
Nia esplika iha tinan hirak ba kotuk, loron ida klínika ne’e atende pasiente na’in-30 ba leten, Maibé agora ema barak maka loke klínika privadu no ema barak mós ba konsulta iha rai li’ur entaun komesa menus ona.
Enkuantu rekursu umanu iha ne’e, daudauk sufisiente hela hodi atende pasiente sira. No la iha problema tanba MS maka apoiu ema mai iha ne’e hodi halo atendimentu ba pasiente.
Diretora Inácia, afirma, tinan tolu ona mak despeza laiha entaun médiku konsulta ne’e gratuita no pasiente bele hasoru médiku laiha despeza ba médiku. Tanba médiku sira servisu iha Ministériu Saúde maka selu.
“Uluk ne’e pasiente selu ai-moruk no buat sira seluk iha klínika ne’e kada pasiente 3,USD to’o 5,USD”.Jornalista: Ermelinda Caet/Editor: Florindo Coluna
180 total views, 9 views today
Bele hare Video Seluk :
Subscribe to Timorpost
