DILI, (Timorpost.com)—Eis Xefe Estadu Maior F-FDTL, Tenente Jeneral Reformadu, Lere Anan Timur, hatete konfrontu Timoroan iha Fátima-Portugál, la’os problema arte marsial no ritual maibé ne’e problema joven Timor, tanba atividade arte marsial no ritual ne’e suspende hela.
“Ita labele buka ema nia sala de’it, maibé ukun nain sira tenke buka tuir fukun husi problema ne’e. Bainhira ita fó sala buat kiik no boot ba d’eit arte marsial no ritual, entaun bele dehan katak ida ne’e, kontinuasaun husi Timor ba rai liur. Tanba ne’e problema iha Fatima-Portugal ne’e laos problema arte maibé ne’e problema juventude Timoroan nian”. ,”informa Lere Anan Timur ba jornalista sira hafoin pantisipa aniversáriu PD ba dala-23 iha Sede PD Colmera Sabadu (15/06).
Jeneral Reformadu ne’e haktuir, la presiza fó sala ba joven sira, maibé oinsa atu buka fukun hosi konflitu ne’e. ida ne’e mak importante.
“Ida ne’e la akontese, iha fali mak gosta deit mak fó sala ita nia joven sira. Ita la buka kauza ne’e tanba saida, tanba sa mak Joven sira ba liurla buka servisu buka mak oho malu, agora ita tenke buka nia kauza tanba saida maka problema ne’e mosu iha Timor-Leste, hanesan mos mosu iha rai liur, ne’e mak importante”.
Solusuan taka-loke atividade arte-marsial no ritual la solusiona problema rai-laran.
Tanba ne’e, lideransa sira lalika, laos fo sala deit ba ita nia jovem sira, maibe ita ukun nain sira mos tenke toma konsensia, kauza no probelma sira ne’ebe mosu, ne’e tanba saida.
510 total views, 3 views today
Bele hare Video Seluk :
Subscribe to Timorpost
