DILI, (Timorpost.com)— Embaixadór foun Timor-Leste ba Malázia, Lizualdo Gaspar simu orientasaun husi Prezidente Repúblika Jose Ramos Horta molok dezloka ba Malázia hodi reprezenta Estadu Timor-Leste hala’o misaun diplomata.
“Ha’u mai agradese ba Prezidente Repúblika ba konfiansa ne’ebé nia fó mai ha’u, sai reprezentante povu Timor iha Malázia, nu’udar diplomata ida antes ba mai husu orientasaun, klaru Prezidente Repúblika fó enfaze katak, relasaun Malázia ho Timor-Leste ne’e importante tebes, “dehan nian ba jornalista sira iha Palacio Prezidensiál Bairru-Pite hafoin remata enkontru ho Prezidente Repúblika, Segunda (10/06).
Embaixador Malazia ne’e hateten, sei la husik konfiansa ne’ebé Prezidente depozita ona ba nia, no sei servisu hodi pro-ativu no eleva relasaun Timor-Leste ho Malázia no mós prestasaun konsulares ba sidadaun Timoroan sira ne’ebé mak iha Malázia.
“Husi ha’u nia parte ha’u asegura ba Prezidente Repúblika sei la husik konfiansa ne’ebé mak Prezidente depozita ona mai hau, hodi servisu maka’as hodi aumenta iha embaixada, aumenta vizibilidade no pro-ativu no eleva ita-nia relasaun ho Malázia no mós prestasaun konsulares ba ita-nia sidadaun sira ne’ebé mak presiza iha Malázia,”dehan nia.
Nia afirma katak, Prezidente Repúblika mós fo nafatin hanoin ba nia atu servisu makas, tanba Malázia nia apoiu ba Timor-Leste des de Timor-Leste seidauk independénsia no depois de independénsia Malázia nia apoiu ba Timor-Leste la falta.
Tuir diplomata ne’e katak, entermus programa neste momentu iha kooperasaun iha area oin-oin ho Malázia, iha area edukasaun, Saúde, transparente Komunikasaun no programa imidiatu ne’ebé mak planu hela, oinsá mak hametin konektivida.
“Ita iha hela diskusaun Malázia atu konklui Air Services Agreement, hein katak Air Service Agreement konklui sei iha voo neebe mak direita husi Kuala-lumpur mai Dili no interese ne’e iha, buat sira-ne’e preparativu iha tiha ona hein katak bele finaliza,”dehan nia.
Nia subliña katak, planu oinsá eleva relasaun ho Malázia liu-liu ba desentralizasaun no mós dezenvolvimentu infraestrutura nia.
489 total views, 3 views today
Bele hare Video Seluk :
Subscribe to Timorpost
