DILI, (Timorpost.com)—Autoridade Protesaun Sivíl (APC Sigla Portugés) liu hosi Konferénsia Imprensa relata kona ba dadus família afetadu ba dezastre natural iha territóriu nasionál.
Tuir dadus ne’e kontinua rejistu uma kain 33 vítima ba dezastre natural.
Dadus ne’ebé APC foti hahú hosi loron 21 to 27 Maiu 2024, hatudu katak família uma kain hitu afeta dezastre natural no ema na’in ida lakon vida.
“Dezastre naturál ne’ebé akontese ho tipu tolu, Anin Sobu, Ahi han no Be’e sa’e husi dezastre ne’e ema ida lakon vida no uma kain hitu afeta dezastre natural”. Dehan Xefe seksaun Relasaun Externa Autoridade Protesaun Sivíl, Nelson Nunes Orleans ba jornalista sira iha edifísiu APC, Kaikoli, Segunda (27/05/2024).
Nelson Nunes haktuir, uma kain hitu (7) afetadu ba dezastre naturál ne’e husi Munisípiu haat hanesan Munisípiu Aileu ida, Bobonaru rua, Lautém rua no Manufahi ida inklui ema ida lakon vida monu hosi foho lolon no baku ba fatuk mate.
Dadus ne’e komandu APC ho parseiru relevante fornese ona asistente emerjénsia ba família afetadu sira hanesan ai-han no la’ós ai-han.
Ekipa APC mós nafatin halo operasaun iha Munisípiu sira hodi kontinua halo levantamentu detaillu ba sasán komunidade nia ne’ebé hetan estragu no lakon.
681 total views, 9 views today
Bele hare Video Seluk :
Subscribe to Timorpost
