DILI (timorpost.com) – Diretór Ezekutivu Forum Organizasaun Noun Governamentál (FONGTIL), Valentim da Costa, hateten, daudaun ne’e total Organizasaun Noun Governamentál-ONG ne’ebé rejistu no ativu iha sosiedade hamutuk 265.
Diretór Ezekutivu FONGTIL, Valentim da Costa hato’o informasaun nee ba Diáriu Timor Post iha knaar fatin Kaikoli, Dili, Tersa (08/08/2023).
“ONG sira ne’e mai husi local, nasionál no kuaze 27 husi Internasionál, ne’ebé potensiál no hakarak sai membru FONGTIL”, Valentim informa.
Atu sai membru FONGTIL, tenke prienxe kritériu balun, ne’ebé estabelese ona.
Kona-ba hasai membru ONG husi FONGTIL, nia dehan depende husi rezultadu monitorizasaun no avaliasaun bazeia update ezisténsia no atividade diáriu organizasaun bazeia programa sira.
“Atu hapara ka la hapara prezensa ONG, depende desizaun husi Asembleia FONGTIL. Tanba membru balun la sai membru FONGTIL, maibé sira funsiona hanesan sosiedade sivíl,” nia dehan tan.
1,850 total views, 3 views today
Bele hare Video Seluk :