Loron 13/05/2023, Domingos Maia.
Maluk sira:
La ho hanoin atu hatún, maibé ema barak, iha TL, sei iha nia mentalidade fraku tebes. Tan ne’e fasil loos atu monu ba manobra kbiit-aat sira.
Kbiit-aat nia na’i-ulun ne’e makhoris espiritu, Lúcifer, mak ema lá haree. Maibé tan nia soi nanis kbiit matenek liu ema, mak bele babeur dulas ema monu lalais de’it ba nia fitas sira (Jen 3: 1-8). Tanba hakarak haktuir diabu nia babeur, mak ema lokoa-an, hakarak sai hanesan ho Maromak, nia Na’i Kriador. Ikus mai, monu.
Bainhira ema nia an nu’udar tabernákulu kmok horik-fatin Espiríto Santo nian sai mamuk ka foer ona, mak sai fali fatin- kmanek ba horik espíritu-aat. Bainhira ema saran ona an nuu fatin ba espíritu-aat ho nia hakaran, mak ema nia an tomak sai kontroladu tiha ona hosi Diabu (Lucifer) no ejize ema atu hana’i-hahí ba nia mak hanesan Maromak.
Hosi kbiit Diabu ida de’it, bele buka dalan atraiente oin-oin hodi atrai ema ba forma nia lejiaun (soldado ka satanás) barak. Satán ho klibur lejiaun barak? Bele domina ona sikon.
Nu’udar sidadaun konsiente, iha Nasaun ki’ik ida, RDTL, nebé foin mak moris, klaru katak, nia rekursu umanu sira sei frajil tebes iha aspetu oin-oin, inklui aspetu fíziku, mental, moral no espiritual. Diabu lakohi povu TL goza liberdade nebé foin soi hikas, URA. Tan ne’e, nia (diabu) sei buka luta ho dalan oin-oin atu hamonu ou halakon tiha TL nia liberdade hodi saran ba kbiit liberdade-falsu mak klibur arte sira nebé mosu mai ho karater destruitiva ho baze iha forsa hosi espíritu-aat natureza.
Iha ne’e mak sai ona biban atu harii no haburas Reinu Satanas nian, iha mundu ne’e, bainhira lejiaun Lúcifer nian sai bokar no forte ona iha sosiedade.
Sinal sira mak saída de’it? Barak, maibé bele foka balun de’it hanesan tuir mai:
© Konflitu violentu nebé mosu iha fatin barak tanba hatudu forsa hasoru forsa. Nune’e mak ambiente dame, domin, justisa no lialoos sei hakiduk lai ba kotuk.
© Na’i-ulun sira ho ibun-midar hodi haklake retórika hirak nebé atu konvense ema-nia fuan, maibé hanehan ema-nia mental no asaun sira. Tanba ema-nia mentalidade fraku tiha ona mak fasil atu domina hodi haktuir de’it na’i-ulun sira-nia liafuan.© Ho ezersísiu físiku arte marsial no ritual nian mak sei sunu namlaik tiha klibur sira-nia kakutak autónomu hodi hanoin moos. Tan kontaminadu tiha ona, mak la iha dalan-sai ba hanoin moos no konsiente atu hamtauk ba justisa no lialoos.
® Atitude matenek no prudénsia dominadu ho atitude beik no uza forsa mak sai tiha dominante. Satán, ohin loron, prátika sistema demokrasia no liberdade fó biban luan liu ba maioria kuantitativa, laós ba minoria kualitativa. Nsst.
Reflete didi’ak ba maluk sira: Tama tiha iha era URA mak foin haree povu hulan iha padiola hodi hana’i-hahí na’i-ukun sira. Afinal, la hatudu lalaok hanesan ne’e ba Maromak. Sinal saida?
1. Uluk nana’in, na’i-ulun ida bainhira loko-an ka foti-an resin, la konsente katak nia hadook- an tiha ona hosi Maromak basá atitude loko-an (orgulho) mak salan hotu-hotu nia abut. Mak nia sai tiha diabu nia atan sae- seluk duabu nian. Nune’e, klibur lejiaun nebé tuir nia tenke hala’o nia orden (mandado). Nia konsekuénsia mak: matan- delek hulan matan-delek, sei monu hotu ba rai-kuak (Mat 15: 14//Luk 6: 38). Nune’e sai tiha hotu tiha maktoban (cadaver).
Maluk sira, karik sei hanoin hela kona-bá história TL nian, iha tempu uluk? Bainhira liurai ida mate (la’ós hotu), nia atan balun tenke sakrifika-an hodi toba iha nia Na’i Liurai nia sorin, iha rate-laran atu serví nia na’i ba nafatin. Ne’e mak hatudu fidelidade loos ba Na’i kah?!
2. Tuir fali, mak kestaun povu nia mentalidade nebé sei fraku hodi fiar narnaran de’it. Oinsá kona-bá kondisaun edukasaun, iha rai laran? Ne’e ema matenek -na’in sira hatene nanis ona katak sistema edukativu nebé orientada-di’ak mak soi kbiit atu muda povu-nia mentalidade nebé sei fraku sai forte. Ba na’i ukun-na’in sira, la sala total. Maibé kal biban oportunu mak ladauk hakat dai mai ita. Sei la’ó maten loos hela. Tan ne’e, presiza dudu makaas hodi hamanas nia motor atu lais.
A luta continua!
1,839 total views, 3 views today
Bele hare Video Seluk :