DILI (timorpost.com) – Governu liuhosi Ministériu Asuntu Parlamentar Komunikasaun Sosiál (MAPKOMS), servisu hamutuk ho Embaixadora Portugal iha Timor-Leste, sei hasae kapasidade jornalista Timoroan sira liuliu fó formasaun iha area lian Português.
“Ohin MAPKOMS halo enkontru ho Embaixadora Portugal iha Timor-Leste, ko’alia kona-ba formasaun ba Jornalista Timoroan, hanesan daudaun CEFTEC hala’o ne’e fó formasaun liuliu lingua Português, atu eleva sira-nia kapasidade”, dehan Ministru Asuntu Parlamentar, Franasco Martins da Costa Pereira Jeronimo, hafoin enkontru iha Palásiu Governu, Tersa (24/01).
Ministru afirma, Embaixadora Portugal kongratula jornalista Timoroan sira ne’ebé tuir formasaun iha CEFTEC, tanba sira konsege atinje rezultadu pozitivu.
Governante ne’e esplika, kooperasaun ne’e sei la remata iha tinan ne’e, maibé kooperaseaun ne’e kontinua nafatin nune’e promove lian ofisiál hanesan Tetun no Português nian.
Iha fatin hanesan Embaixadora Portugal iha Timor-Leste, Manuela Barros, agradese ba MAPKOMS ne’ebé halo kooperasaun bilateral entre nasaun Portugal ho Timor-Leste liuliu area komunikasaun nian. Tanba komunikasaun sosiál ne’e importante tebes.
“Ami sei vizita Média sira hanesan, RTTL,EP, GMN no Média Eletronika no Online sira, nune’e hametin kooperasaun ho sira liuliu iha lingua Português”, katak nia.
Embaixadora ne’e esplika, kooperasaun ne’e halai liubá Jornalista sira oinsá kapasita sira liuhosi formasaun lingua Português.
Nia afirma, Jornalista sira presiza formasaun liuliu area lingua Português, tanba agora iha mudansa teknolójia ne’e importante tebes hodi dezenvolve Komunisaun Sosiál nian.
2,120 total views, 3 views today
Bele hare Video Seluk :
Subscribe to Timorpost
