DILI (timorpost.com) — Relasiona ho Prezidente Repúblika (PR), José Ramos Horta, nia vizita Estadu ba Portugál, iha loron (29/10), Eis Funsionáriu 1800 tatoli lia atu husu sira-nia direitu ba Governu Portugal.
Konsellu Kombatente Libertasaun Nasionál (KKLN) liuhusi Vise Prezidente Konsellu Administrasaun KKLN, Marito Reis, hala’o enkontru ho Xefe Estadu, aproveita hato’o ba PR Horta, katak Eis funsionáriu Portugés na’in-1800, husu PR Horta karik ba Portugál informa ba Prezidente Portugál hodi haree asuntu ne’e.
“Ko’alia ho Prezidente Repúblika, kona-ba Eis funsionáriu Portugés nian, atu bele karik, bainhira PR Horta nia dezlokasaun ba Portugál hodi trata ho Prezidente Portugál, hodi haree Eis funsionáriu Portugés na’in-1800,” Marito afirma, iha Palásiu Prezidensiál, Bairru-Pité, Kinta (27/10).
Nia dehan, eis funsionáriu sira ne’e, tanba sira realidade sai iha tempu Portugés, depois la selu, tanba ne’e mak sira rekere hodi nune’e sira tenke iha diretu ba iha saláriu uluk nian, nune’e mak Estadu Portugés tenke fó.
“Tanba ne’e mak ami mai entrega ba Prezidente Repúblika, karik iha tempu ruma ba iha Portugál, hodi Xefe Estadu trata ho sira, atu nune’e bele haruka mai,” nia informa.
Ikus nia dehan, Prezidente Repúblika, presiza konsidera mós sira, se ba Portugál hato’o mós sira-nia diretu ne’e.
3,199 total views, 3 views today
Bele hare Video Seluk :