ADVERTISEMENT

Lei La Bandu F-FDTL Simu Subsídiu Fim do Ano 200 USD

Mario da Costa - Jeral
Jornalista : Beatriz Belo
Editor : Mario da Costa
  • Share
Xefe Estadu Maiór Jenerál Falintil-Forsa Defeza Timor-Leste (F-FDTL), Tenente Jenerál Domingos Raul Falur Rate Laek, imajen TP/Beatriz Belo

DILI (timorpost.com) – Xefe Estadu Maiór Jenerál Falintil-Forsa Defeza Timor-Leste (F-FDTL), Tenente Jenerál Domingos Raul Falur Rate Laek, hatene Dekretu lei la bandu ema ne’ebé Saláriu ho rendimentu liu 500 simu, simu subsídiu fim do ano 200 USD.

Xefe Estadu Maiór Jenerál, hatete relasiona ho subsídiu fim do ano 200 USD ne’e, desizaun Governu ne’e la hateten bandu F-FDTL, maibé bandu de’it ema ne’ebé simu saláriu boot mak labele simu, tanba ne’e FFDTL ne’ebé Saláriu ki’ik bele simu osan ne’e.

ADVERTISEMENT
SCROLL FILA BA NOTISIA


“Ha’u obedese ba lei, tanba desizaun Governu nian la bandu F-FDTL simu subsídiu fim do ano, maibé bandu ema ne’ebé Saláriu liu 500, tanba ne’e F-FDTL ne’ebé simu saláriu ki’ik bele simu,” nia hateten hafoin partisipa aprezentasaun relatóriu atividade defeza no F-FDTL iha Kuartél Jenerál Fatuhada Dili, Kinta (22/12).

Lee Mós :
FRETILIN-PD Marka Sorumutu iha CCF, CNRT Sei Halo Konferénsia Nasionál

Nia dehan, nia parte obedese ba lei ne’ebé iha, Militár ne’e dependénsia ba podér polítiku nian no lei ne’ebé haruka, tanba ne’e sira-nia parte obedese ba lei ne’ebé Governu estabelese.

“Ha’u-nia membru F-FDTL sira kontinua simu, ne’e direitu tanba lei mak define, tanba iha lei ne’e hateten bazeia ba saláriu ne’ebé boot, membru F-FDTL sira ne’ebé saláriu menus husi 500 ne’e bele simu,” nia hateten.

Lee Mós :
Governu Aprova Lei Bandu Atividade Peska Ilegal Iha Tasi Timor

Nia hatutan, Militár ne’e la halo rendimentu, maibé militár simu saláriu responde ba nesesidade uma laran no seluk-seluk tan.

“Se karik identifika Membru F-FDTL sira ne’ebé saláriu liu 500 mak simu, ne’e la’ós ha’u mak foti desizaun, maibé regulamentu sansaun administrasaun iha hodi regula sira, la’ós komandante mak foti desizaun,” nia dehan.

Nia hatete, Lei internal iha F-FDTL ne’e iha regulamentu barak, bainhira sai komandu atu komanda ne’e bazeia ba regulamentu ruma mak manda la’ós manda arbiru de’it.

Iha fatin hanesan, Ministru Defeza (MD), Filomeno da Paixão de Jesus, hatete relasiona ho subsídiu fim do ano 200 USD, desizaun Governu nian klaru iha ne’ebá, hateten ema ne’ebé Saláriu liu 500 ba leten la simu.

Lee Mós :
Olinda Rekoñese Uluk KHUNTO Hola Parte iha Oitavu Governu halo Lei “Bunuh Diri” Ida

“Ha’u husu ba komandu PNTL ho F-FDTL, atu implementa ida ne’e, tuir polítika Governu nian, bandu funsionáriu no ema sira ne’ebé saláriu liu 500 la bele simu subsídiu fin do ano,” nia hakotu.

 1,771 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lei La Bandu F-FDTL Simu Subsídiu Fim do Ano 20…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No